Mateo 23:8 - Lalang Hu Dios

⁸ “Ba harì nuy tugutan sa mga etaw ha umawen kaw kandan ha Manunudlù ta migsusuled kaw dà daw iyan a dà Manunudlù nuy.

Mateo 23:8 ပူးပေါင်းရင်းမြစ်များ

Mateo 10:25

Ikalipay gayed hu tinudluan ku mailing daan hu tagtudlù kandin, daw ikalipay daan hu suluguen ku mailing hu agalen din. Ku pigngaranan a hu mga etaw ha Yawà ayuwà pa madaet sa ingaran dan inyu sinyu sa mga sakup ku.

Mateo 17:5

Su tag-ikagi pa si Pedro amin tagpangaluanlag ha gabun ha nakabungkus kandan, daw amin lageng ha napuun duun ku gabun ha tagyanaen, “Iyan en haini pinalanggà ku ha Batà ha tigkabayà-bayà ku. Magpaliliman kaw kandin.”

Mateo 23:10

Daw harì nuy daan igtugut ha umawen kaw hu Ginuu ta iyan a dà Ginuu siak sa Misiyas.

Mateo 23:7

Agkalipay daan sidan ku tahuran hu mga etaw duun hu baligyaanan daw ikagiyen sidan ha Manunudlù.

Mateo 26:25

Dayun minikagi si Judas sa miglimbung kandin, “Manunudlù, iyan a ba?” Tuminubag si Jesus, “Sa inikagi nu na iyan en.”

Mateo 26:49

Sagunà inubayan hi Judas si Jesus daw ikagiyi, “Manunudlù” dayun hinadekan din.

Marcos 10:51

Ininsaan hi Jesus su buta, “Inu man sa agkabayaan nu ha buhaten ku diyan ta ikaw?” Su buta tuminubag, “Manunudlù, makaindan a ngaay.”

Marcos 11:21

Nahenhenaan hi Pedro haena aman inikagiyan din si Jesus, “Manunudlù, ahaa nu hayana sa kayu ha tinungayawan nu ta nagangu en labi.”

Marcos 14:45

Su makauma sidan inubayan sagunà hi Judas si Jesus daw ikagiyi, “Manunudlù” dayun hinadekan din.

Marcos 9:5

Dayun minikagi si Pedro diyà ki Jesus, “Manunudlù, maayad ta dini kay. Buhatan day iman inyu hu tatulu ha lawig ta daw matukid kaw ki Moises daw ki Elias.”

Lucas 22:32

Ba inampuan ku ikaw, Pedro, ha sa pagsalig nu harì maawà. Ku maglig-en en sa pagtuu nu ipalig-en daan sa pagtuu hu mga duma nu.”

Juan 1:38

Su lumingì si Jesus naahà din su taglupug kandin aman ininsaan din sidan, “Inu sa agkabayaan nuy?” Tuminubag sidan, “Hindu ka tagtimà, Rabi?” ha sa kahulugan taena Manunudlù.

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 11:8

Ba tuminubag sa mga tinun-an din, “Manunudlù, imbà ka aglikù diyà sa bag-u pa ha agbatuwen kad ngaay hu mga Judio?”

Juan 20:16

Ba minikagi si Jesus diyà ta kandin, “Maria.” Sagunà nakasinalu si Maria diyà ki Jesus daw ikagiyi hu madaging, “Raboni” saini inikagiyan ha Hebreo ha tagkahulugan hu Manunudlù.

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 3:26

Duminiyà sidan ki Juan daw ikagiyi, “Manunudlù, natiman-an nu ba haena sa tagsubayen nu ha duma nu su diyà ka pa ta layun ta Jordan? Iman tagpamautismu en daan daw madakel sa mga etaw ha agdiyà ta kandin.”

Juan 4:31

Duun ku atabay inikagiyan si Jesus hu mga tinun-an din, “Manunudlù, kaen kad en.”

Juan 6:25

Su maahà en hu mga etaw si Jesus diyà ta layun ininsaan dan, “Manunudlù, kan-u ka pa nakauma dini?”

Juan 9:2

Ininsaan si Jesus hu mga tinun-an din, “Manunudlù, sin-u haini ha salà ta imbà man daan en buta su ibatà? Kandin ba hu mga laas din daw ku kandin en ba ha salà?”

2 Corinto 1:24

Kenà day iyan tuyù sa pagpeges inyu duun hu pagtuu ta natun-an day ha malig-en kaw en duun hu pagtuu nuy, ba sa agkabayaan day iyan sa makabulig kay inyu ta daw mag-iseg sa kalipay nuy.

2 Corinto 4:5

Ta kenà day iyan tigsangyaw sa kanay ha kaugalingen ba iyan si Cristo Jesus ha Ginuu taw daw pinaagi kandin nabuhat kay daan ha suluguen nuy.

Filemon 1:16

Iman saini kenà nud en ulipen ba nabuhat en ha suled nu duun hu pagtuu. Saini palanggà ku tungkay ba ayuwà nu pa gayed palangga ta ulipen nu daw suled nu pa gayed duun hu pagtuu hu Ginuu.

Santiago 3:1

Mga suled, maayad ku atiyuay dà inyu sa mabuhat ha manunudlù ta natun-an nuy ha sikay sa tagtudlù ayuwà pa gayed mabegat sa igsilut kanay ku masayep sa pagtudlù day.

1 Pedro 5:3

kenà daan pagpalabaw hu mga kaugalingen nuy duun hu mga etaw ha insalig inyu ba kinahanglan ha maayad kaw ha sampitan diyà ta kandan.

Impadayag 1:9

Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.

Impadayag 19:10

Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

Impadayag 22:9

Ba inikagiyan a kandin, “Harì a ikaw iyan agsimbaha ta siak daw sikaw, sa mga duma ha mga prupita daw sa alan ha tuminuu hu lalang duun taini ha libru, mig-iling dà ha mga suluguen hu Dios. Iyan nu dà gayed simbahen sa Dios.”