Mateo 17:20 - Lalang Hu Dios

²⁰ Tuminubag si Jesus, “Hurà nuy haena kabugaw ta kulang gayed sa pagtuu nuy. Laus gayed sa ag-ikagiyen ku inyu ha ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa bubungan ha humalin diyà ta alug na makahalin gayed. Hurà gayed harì nuy mahimu.

Mateo 17:20 ပူးပေါင်းရင်းမြစ်များ

Mateo 13:31

Amin pa pananglitan ha inikagi hi Jesus ha tagyanaen, “Sa pag-adagi hu tagharian hu Dios agkailing hu lisu ha impamegas duun hu uma.

Mateo 14:29

Tuminubag si Jesus, “Dumini kad en.” Aman uminawà si Pedro duun taena ha barutu daw hipanaw diyà ta wahig payanaen ki Jesus.

Mateo 17:17

Minikagi si Jesus, “Sinyu ha mga etaw sa harì agtuu daw suminuway duun hu pagkamatareng, nalugay en sa pagduma-dumahà taw. Inu pa diay kalugay sa pag-angat ku ha tumuu kaw kanak? Uwita dini hayana sa batà.”

Mateo 17:19

Duminiyà ki Jesus sa mga tinun-an din ha iyan dà sidan daw ininsaan dan, “Imbà day hurà kabugaw su busaw ha tuminagù ku batà?”

Mateo 17:9

Su tagtubang en sidan diyà ta alug binalaudan sidan hi Jesus, “Harì nuy itultul haena sa naahà nuy hangtud ha mabanhaw a sa Batà hu Etaw.”

Mateo 21:21

Tuminubag si Jesus, “Laus gayed sa ag-ikagiyen ku inyu ha ku amin nuy pagsalig duun hu Dios daw harì kaw gayed magduwa-duwa mabaluy nuy gayed daan haini sa binuhat ku duun taini ha kayu ha igira. Daw kenà haini iyan dà ta bisan pa ku ikagiyan nuy hayana sa bubungan, ‘Agbul ka diyà ta dagat’ saena matuman gayed.

Mateo 8:26

Ba inikagiyan sidan hi Jesus, “Imbà kaw man agkangahaldek? Harì kaw ba diay agsalig kanak?” Dayun migbangun si Jesus daw baldenga sa kalamag daw mga baled aman sagunà migleneng.

Marcos 11:22

Si Jesus tuminubag, “Salig kaw duun hu Dios.

Marcos 11:23

Laus gayed sa ag-ikagiyen ku inyu ha bisan sin-u sa umikagi tayana ha bubungan, ‘Agbul ka diyà ta dagat’ daw harì magduwa-duwa saena mahimu gayed.

Marcos 4:31

Agkailing haena hu atiyuay gayed tungkay ha lisu ha impamegas.

Marcos 9:23

Si Jesus minikagi, “Sumalà ikaw ta sa alan agkahimu hu etaw ha amin din gayed pagtuu.”

Lucas 1:37

Ta hurà gayed harì mahimu hu Dios.”

Lucas 17:6

Ba inikagiyan sidan hi Jesus, “Ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa adagi ha kayu ha humalin diyà ta dagat na makahalin gayed.

Lucas 18:27

Tuminubag si Jesus, “Sa harì agkabaluy hu etaw agkahimu hu Dios.”

Juan 11:40

Dayun tuminubag si Jesus, “Dì ba inikagi kud ikaw ha ku tumuu ka maahà nu sa pagkagamhanan hu Dios?”

1 Corinto 12:9

Sa duma pinaagi hu Balaan ha Ispiritu inilahan hu kabis-ay duun hu pagtuu daw amin daan ginaheman ta daw maulian din sa agkangadaluwan.

1 Corinto 13:2

Ku matatau a hu pagsaysay hu igpaikagi hu Dios daw natun-an ku daan sa inlilung su anay daw sa alan ha katatau daw ku mabis-ay daan sa pagtuu ku ha bisan sa mga bubungan makahalin ba ku hurà ku pagpalanggà, saena hurà din gayed pulus.

Hebreo 3:19

Aman natun-an taw ha hurà sidan makaduun tumenged ta hurà sidan tuu.