Mateo 16:28 - Lalang Hu Dios

²⁸ Laus gayed sa ag-ikagiyen ku inyu ha amin inyu tagtiyadeg dini iman ha harì pa matay na maahà ad en inyu ha Harì.”

Mateo 16:28 ပူးပေါင်းရင်းမြစ်များ

Mateo 10:23

Ku pasipalahan kaw kandan duun hu sabuwa ha banuwa pulaguy kaw duun hu lain. Laus gayed sa ag-ikagiyen ku inyu ha harì nuy pa makalekep sa Maayad ha Tultulanen diyà ta Israel lumikù ad en siak sa Batà hu Etaw.

Mateo 16:13

Su makauma say Jesus duun hu lugar ha ubay ta Cesarea Filipos ininsaan din sa mga tinun-an din, “Siak sa Batà hu Etaw, sin-u a man duun hu pag-ikagi hu mga etaw?”

Mateo 24:3

Su tagpinuu si Jesus diyà ta Buntud ta Ulibu uminubay diyà ta kandin sa mga tinun-an din ha iyan dà sidan daw nanginginsà, “Ikagiyi kay ku kan-u haena agkatuman daw inu sa mga timaan hu paglikù nu daw hu katapusan hu panahun.”

Mateo 24:34

Laus gayed sa ag-ikagiyen ku inyu ha harì pa alan matay sa mga etaw maamin en haena matuman.

Mateo 24:42

“Aman magbantay kaw gayed ta harì nuy agkatun-an sa panahun ku kan-u a makalikù siak sa Ginuu nuy.

Mateo 26:64

Tuminubag si Jesus, “Iyan ad en su inikagi nu. Ba ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Mateo 8:20

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Marcos 13:26

“Duun asem taena siak sa Batà hu Etaw maahà a ha magbulus diyà tayà ha gabunan ha magpangaluanlag daw maahà daan sa pagkagamhanan ku.

Marcos 8:38

Duun taini ha panahun nakadiyù en sa etaw duun hu Dios daw tagbuhat en sidan hu mga madaet. Bisan sin-u haena sa ikagayhà din sa pagsunud kanak daw sa mga lalang ku siak sa Batà hu Etaw ikagayhà ku daan asem haena ku lumikù a dini ha magpangaluanlag iling hu Dios ha Amay ku daw hu mga balinsuguen din.”

Marcos 9:1

Dayun inikagiyan sidan hi Jesus, “Laus gayed sa ag-ikagiyen ku inyu ha amin tagtiyadeg inyu dini iman ha harì pa matay na maahà dan en sa gamhanan ha pagharì hu Dios.”

Lucas 18:8

Ikagiyen ku inyu ha sagunà din dà gayed sidan buligan. Ba asem ku lumikù a dini ta kalibutan siak sa Batà hu Etaw amin pa ba gid sumalig kanak?”

Lucas 2:26

aman impadayag kandin ha daw en haena patay ku maahà din en sa Misiyas ha sinugù hu Dios.

Lucas 9:27

Laus gayed sa ag-ikagiyen ku inyu ha amin inyu tagtiyadeg dini iman ha harì pa matay na maahà dan en sa pagharì hu Dios.”

Juan 21:22

Ba si Jesus tuminubag, “Ku iyan ku pagbayà sa bubuhay pa hayana ku lumikù a dini ta kalibutan hurà nu duun labet. Bà ka dà sunud kanak.”

Juan 8:51

Laus gayed sa ag-ikagiyen ku ha bisan sin-u sa magtuman hu tigtudlù ku harì en gayed matay.”

Juan 8:52

Su maikagi hi Jesus haena minikagi sidan, “Iman agkatun-an day en gayed ha libeg ka labi. Si Abraham daw sa alan ha mga prupita namamatay en sidan. Imbà nu agkaikagi ha bisan sin-u sa magtuman hu tigtudlù nu harì en gayed matay?

Mga Buhat 1:11

daw minikagi, “Sinyu sa mga taga-Galilea, imbà kaw taghangadà diyà ta langit? Si Jesus ha luminigtu diyà ta langit aglikù dà asem dini ku malugay iling ha naahà nuy iman diyà tayà ha gabunan.”

1 Corinto 15:23

Sa nauna ha nabanhaw iyan si Cristo, dayun ku lumikù haena sa alan ha tuminuu kandin mabanhaw daan.

1 Tesalonica 1:10

daw tagsalapen nuy en daan ha lumikù dà dini sa Batà din ha si Jesus su binanhaw din ha iyan daan asem aglibri kanuy ku silutan hu Dios sa kaet-etawan.

Hebreo 2:9

Ba sa naahà taw en iman iyan si Jesus ha binuhat ha minus sa kahimtang din dì hu mga balinsuguen hu Dios duun hu mababà ha panahun ta daw tumenged hu grasya hu Dios magpakamatay para hu kaet-etawan. Ba iman impatangkaw daw dinayè tumenged hu mga pag-antus din hu kamatayen.

Santiago 5:7

Tumenged taini magpailub kaw hangtud hu paglikù hu Ginuu. Henhenaa nuy sa mag-uuma ha tagpailub hu pag-angat taena ha nauna daw hudiyan ha udan dayun human makalegtay.

2 Pedro 1:16

Sa intudlù day inyu mahitenged hu pagkagamhanan hi Cristo Jesus ha Ginuu taw ku lumikù asem kenà bà dà bidù, ta naahà day gayed sa pagkagamhanan din su anay

1 Juan 2:28

Iman pinalanggà ku ha mga batà, harì kaw gayed sumuway ki Cristo Jesus ta daw harì kaw mahaldek daw magayhaan ku lumikù haena dini.