Mateo 14:27 - Lalang Hu Dios

²⁷ Ba inikagiyan sidan hi Jesus, “Pandayai nuy sa gahinawa nuy daw harì kaw agkangahaldek ta iyan a haini.”

Mateo 14:27 ပူးပေါင်းရင်းမြစ်များ

Mateo 14:28

Dayun minikagi si Pedro, “Ginuu, ku laus ha iyan ka hayan ipadiyan a daan.”

Mateo 17:7

Ba inubayan sidan hi Jesus daw pan-ibiti sidan dayun ikagiyi, “Bangun kaw daw harì kaw agkangahaldek.”

Mateo 28:10

Dayun inikagiyan sidan hi Jesus, “Harì kaw agkahaldek. Ikagiyi nuy sa mga suled ku ha dumiyà sidan ta Galilea ta maahà a kandan diyà.”

Mateo 28:5

Ba inikagiyan ku balinsuguen haena sa mga bahi, “Harì kaw agkangahaldek ta natun-an ku ha tagpan-ahaen nuy si Jesus sa inlansang duun hu krus.

Mateo 9:2

Amin mga etaw ha taglanting hu minatay en sa dibaluy ha lawa din daw inuwit dan haena diyà ki Jesus. Su matun-an hi Jesus ha adagi gayed sa pagsalig kandin taena ha mga etaw inikagiyan din su agkadaluwan, “Magmalipayen ka ta napasaylu en sa mga salà nu.”

Lucas 1:13

Ba inikagiyan ku balinsuguen hu Dios, “Zacarias, harì ka agkahaldek ta sa pag-ampù nu napaliman hu Dios aman sa asawa nu ha si Elizabeth magbatà hu maama daw sa ingaran nu asem taena iyan si Juan.

Lucas 1:30

Ba inikagiyan ku balinsuguen, “Maria, harì ka agkasamuk ta napanalanginan ka gayed hu Dios.

Lucas 12:32

“Sinyu sa sumusunud ku, bisan ku atiyuay kaw dà ba harì kaw agkasamuk ta igkabayà-bayà haini hu Dios ha pagharian kaw kandin.

Lucas 2:10

Ba inikagiyan sidan taena ha balinsuguen hu Dios, “Harì kaw agkangahaldek ta duminini a hu pagsangyaw inyu hu maayad ha tultulanen ha makapalipay hu kaet-etawan.

Lucas 5:10

Iling daan ha nangabeleng si Santiago daw si Juan sa mga batà hi Zebedeo ha mga duma hi Simon. Dayun inikagiyan hi Jesus si Simon, “Harì ka agkasamuk ta sugud iman mamamaling kad hu mga etaw.”

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Juan 6:20

Ba inikagiyan sidan hi Jesus, “Harì kaw agkahaldek ta iyan a.”

Mga Buhat 23:11

Su daleman en sa Ginuu migpaahà ki Pablo ha tagyanaen, “Pandayai sa gahinawa nu ta iling ha intultul nu sa mahitenged kanak dini ta Jerusalem itultul nu daan haini diyà ta Roma.”