Mateo 10:17 - Lalang Hu Dios

¹⁷ Magbantay kaw ta itugyan kaw asem duun hu maghukum inyu daw lagkutan kaw pa gayed kandan duun hu mga simbahan.

Mateo 10:17 ပူးပေါင်းရင်းမြစ်များ

Mateo 10:18

Ipaatubang kaw daan kandan duun hu mga gubirnadur daw mga harì tumenged hu pagtuu nuy kanak, ba iyan haena paagi ha matultul a inyu diyà ta kandan daw duun hu kenà mga Judio.

Mateo 20:19

daw itugyan a daan kandan duun hu mga etaw ha kenà Judio ha iyan magtameyes daw maglagkut kanak. Dayun ilansang a kandan duun hu krus ba duun hu ikatulu ha aldaw mabanhaw a dà.”

Mateo 23:34

Agsuguen ku sa mga tagsaysay hu igpaikagi hu Dios daw sa mga matatau ha etaw daw mga manunudlù. Sa duma kandan himatayan nuy daw ilansang nuy duun hu krus, sa duma lagkutan nuy duun hu mga simbahan daw aglasayen nuy sidan bisan hindu sidan agpayanaen.

Mateo 26:59

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga bidù ha katarengan ta daw mahimatayan dan si Jesus.

Mateo 5:22

Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Marcos 13:12

“Duun taena ha panahun itugyan hu etaw sa suled din ta daw mapatay daw itugyan daan hu amay sa batà din. Sa mga batà sumukul hu mga laas dan daw pahimatayan dan daan.

Marcos 13:9

“Aman kinahanglan ha magbantay kaw gayed ta itugyan kaw asem duun hu maghukum inyu daw lagkutan kaw pa gayed duun hu mga simbahan. Ipaatubang kaw daan kandan duun hu mga gubirnadur daw mga harì tumenged hu pagtuu nuy kanak, ba iyan haena paagi ha matultul a inyu diyà ta kandan.

Lucas 12:11

“Ku uwiten kaw duun hu mga simbahan ta aghukuman kaw kandan daw ipaatubang kaw kandan duun hu mga agalen, harì kaw agkasamuk ku in-inuwen pagpangatarengan daw ku inu sa ipanubag nuy

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Juan 16:2

Ta abugen kaw gayed kandan puun ta simbahan daw makauma daan sa panahun ha abi hu maghimatay inyu ha malipay sa Dios taena.

Mga Buhat 17:14

Aman sagunà impadiyà hu mga tumutuu si Pablo ta dagat. Ba si Silas daw si Timoteo migpabilin ta Berea.

Mga Buhat 22:19

“Ba tinubag ku haena, ‘Ginuu, natun-an dan en ha duun hu alan ha mga simbahan impaprisu ku daw binunalan ku haena sa tuminuu ikaw.

Mga Buhat 26:11

Kapila ku gayed elegi sa mga simbahan daw siluti sa mga tumutuu diyà daw pigsiguruwan ku ha mangakaendà sidan hu pagtuu dan. Agkangapaukan ku gayed sidan aman pinanlupug ku pa sidan duun hu madiyù ha mga banuwa daw pasipalahi.

Mga Buhat 9:2

daw nanayù hu sulat payanaen hu mga simbahan hu mga Judio diyà ta Damasco ta daw matugutan hu pagdakep taena ha masapenan din ha tagsunud hu tinuuwan mahitenged ki Jesus daw bakusen din dayun ipaprisu sidan diyà ta Jerusalem sa mga maama daw sa mga bahi.

Filipos 3:2

Magbantay kaw hu mga etaw ha iling hu asu daw tagbuhat hu madaet, ta saena sidan tagtudlù ha kinahanglan ha sirkunsidahan sa etaw ta daw mabuhat ha batà hu Dios.

2 Timoteo 4:15

Bantayi nu haena ta sinupak din gayed sa mga intudlù ta.

Hebreo 11:36

Sa duma mig-antus hu mga pagtameyes daw hu mga paglagkut, sa duma pigpusasan daw naprisu.