Marcos 9:7 - Lalang Hu Dios

⁷ Dayun amin gabun ha nakabungkus kandan daw amin lageng ha napuun duun ku gabun ha tagyanaen, “Iyan en haini Batà ku ha pinalanggà aman magpaliliman kaw kandin.”

Marcos 9:7 ပူးပေါင်းရင်းမြစ်များ

Mateo 27:43

Iyan man kun hayan Batà hu Dios daw tagsalig duun hu Amay din. Aman ku agkabayaan hu Dios ipalibri en kandin.”

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Mateo 3:17

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Marcos 1:11

Amin lageng ha napuun diyà ta langit ha tagyanaen, “Iyan ka gayed pinalanggà ku ha Batà ha tigkabayà-bayà ku.”

Marcos 9:6

Ba hurà katun-i hi Pedro ku inu sa tag-ikagiyen din ta tungkay gayed sidan nangahaldekan.

Marcos 9:8

Su maghelaw-helaw sidan iyan dan dà naahà si Jesus.

Lucas 3:22

daw migbulus diyà ta kandin sa Balaan ha Ispiritu ha agkailing hu salapati. Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Juan 1:34

Iman naahà kud daw maikagi kud en inyu ha iyan gayed haini Batà hu Dios.”

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 12:28

Aman mig-ampù si Jesus, “Amay ku, buhata sa madayè ka pinaagi kanak.” Dayun amin lageng ha napuun diyà ta langit ha tagyanaen, “Nadayè ad en pinaagi ikaw ba madayè a pa gayed hu agbuhaten nu.”

Juan 19:7

Saena ha mga etaw minikagi, “Sumalà hu kanay ha Kasuguan kinahanglan ha himatayan hayana ta tag-ikagiyà ha Batà kun hu Dios.”

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Juan 5:18

Tumenged taena su mga agalen naniguru gayed ha mapatay dan si Jesus, ta kenà iyan dà sa pagsupak din hu Kasuguan mahitenged hu Aldaw hu Paghimlay ba tag-ikagiyen din daan ha Amay din sa Dios daw inisip din sa kaugalingen din ha Dios en daan.

Juan 5:37

Daw sa Dios ha Amay ku iyan tistigus mahitenged kanak. Hurà nuy pa kapaliman sa Dios daw hurà nuy pa daan kaahà

Juan 6:69

Iman agtuu kay ikaw ta natun-an day ha iyan ka su sinugù hu Dios.”

Juan 9:35

Su mapaliman hi Jesus ha inabug dan su etaw, pinan-ahà din dayun haena. Su maahà din en ininsaan din, “Agtuuwan nu ba sa Batà hu Etaw?”

Mga Buhat 1:9

Su maikagi din en haena sagunà luminigtu diyà ta langit. Su tag-ahaen dan haena tigkan dan nahanaw duun hu gabunan.

Mga Buhat 7:37

Iyan si Moises su mig-ikagi duun hu mga kaliwatan hi Israel, ‘Amin sabuwa ha prupita ha humiwal duun hu mga kaliwatan nuy ha suguen hu Dios iling hu pagsugua din kanak.’

Mga Buhat 8:36

Hurà kalugay nakauma sidan duun hu wahig aman minikagi su upisyal, “Taini en sa wahig. Harì ba mabaluy ha bautismuwan ad iman ikaw?”

Hebreo 2:1

Tumenged ta iling taena sa pagkagamhanan hu Batà hu Dios, kinahanglan ha palilimanan taw gayed sa kamatuuran ha intudlù kanuy ta daw harì kuy makasuway duun.

2 Pedro 1:17

su dayeen hu Dios ha Amay din ha tagyanaen, “Iyan haini pinalanggà ku ha Batà ha tigkabayà-bayà ku.”

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

Impadayag 1:7

Timan-i nuy ha ku lumikù si Jesus diyà tayà ha gabunan maahà gayed hu alan-alan bisan haena sa migdughang kandin su anay. Duun asem taena maglugul gayed sa alan ha kaet-etawan dini ta kalibutan tumenged kandin. Matuman gayed haena.