Marcos 9:41 - Lalang Hu Dios

⁴¹ Laus gayed sa ag-ikagiyen ku inyu ha bisan sin-u sa makapainum hu bisan nangkatasa dà ha wahig diyan ta inyu tumenged ta sumusunud kaw kanak balesan gayed haena hu Dios.

Marcos 9:41 ပူးပေါင်းရင်းမြစ်များ

Mateo 10:42

Daw bisan sin-u sa makapainum hu bisan nangkatasa dà ha wahig duun hu pinakaminus en ha sumusunud ku, balesan gayed haena hu Dios.”

Mateo 25:40

“Duun taena siak sa Harì tumubag, ‘Laus gayed sa ag-ikagiyen ku inyu ha bisan inu sa binuhat nuy taena ha kinaminusan en gayed ha suled ku binuhat nuy en daan haena dini ta kanak.’

Marcos 4:10

Su maman-awà en diyà sa duma ha mga etaw, sa mga tinun-an hi Jesus daw sa duma pa, nanginginsà ta kandin mahitenged taena ha mga sanglitanan.

Roma 14:15

Ku pinaagi hu pagkaen nuy taena madaetan sa henà-henà hu suled nuy tagpasabut haini ha hurà nuy gayed pagpalanggà kandin. Aman harì nuy buhaten sa makapadaet hu pagtuu din ta migpakamatay daan si Cristo para kandin.

Roma 8:9

Ba kenà kaw en iman ulipen hu makasasalà ha kinaiya nuy ta sa tagbayà inyu iyan en sa Balaan ha Ispiritu ha didiyan en ta inyu. Sa etaw ha hurà ulini hu Balaan ha Ispiritu ha sinugù hi Cristo kenà din sakup.

1 Corinto 15:23

Sa nauna ha nabanhaw iyan si Cristo, dayun ku lumikù haena sa alan ha tuminuu kandin mabanhaw daan.

1 Corinto 3:23

Sinyu mga sakup kaw hi Cristo daw si Cristo sakup daan hu Dios.

2 Corinto 10:7

Henhenaa nuy haini ha ku amin en diyan ta inyu tagtuu ha mga sumusunud hi Cristo isipen dan daan ha laus kay ha sumusunud din.

Galacia 3:29

Aman tumenged ta sakup kaw iman hi Cristo inisip kaw gayed ha mga kaliwat hi Abraham daw makaangken kaw hu insaad hu Dios diyà ta kandin.

Galacia 5:24

Sa alan ha nakigsabuwa ki Cristo Jesus iling hu nakalansang en daan duun hu krus sa makasasalà ha kinaiya din ha iyan sa tungkay kabayà hu alan ha madaet.