Marcos 9:31 - Lalang Hu Dios

³¹ tumenged ta agtudluan din sa mga tinun-an din. Inikagiyan din sidan, “Siak sa Batà hu Etaw laus ad en itugyan duun hu aghimatay kanak ba duun hu ikatulu ha aldaw mabanhaw a dà.”

Marcos 9:31 ပူးပေါင်းရင်းမြစ်များ

Mateo 16:21

Sugud taena sinaysay hi Jesus duun hu mga tinun-an din ha kinahanglan dumiyà gayed ta Jerusalem daw mag-antus hu madakel ha mga pasipala hu mga magulang daw hu mga labaw ha sinaligan hu paghalad daw hu mga manunudlù hu Kasuguan, daw pahimatayan dan gayed ba duun hu ikatulu ha aldaw mabanhaw dà.

Mateo 20:28

Bisan siak sa Batà hu Etaw kenà ku iyan indini ta kalibutan ta daw mabuligan a hu mga etaw, ba sa pagdini ku iyan sa pagbulig daw sa pagpakamatay ta daw malibri sa kaet-etawan ha naulipen hu salà.”

Mateo 26:2

“Natun-an nuy ha makaduwa iman iyan en pagsaulug hu Aldaw hu Paglabay daw siak sa Batà hu Etaw itugyan a duun hu mga etaw ta daw makalansang a kandan duun hu krus.”

Mateo 27:63

hu kagi dan, “Natiman-an day sa inikagi taena ha limbungan su bubuhay pa ha mabanhaw dà kun ku maiwas sa tatulu ha aldaw.

Marcos 10:34

ha iyan magtameyes kanak. Ileban a daan kandan daw lagkutan a, dayun himatayan a kandan ba duun hu ikatulu ha aldaw mabanhaw a dà.”

Marcos 8:31

Tinudluan hi Jesus sa mga tinun-an din ha kinahanglan ha sa Batà hu Etaw mag-antus hu madakel ha mga pasipala daw pagtameyesen hu mga magulang daw hu mga labaw ha sinaligan hu paghalad daw hu mga manunudlù hu Kasuguan, daw kinahanglan daan ha pahimatayan dan gayed ba duun hu ikatulu ha aldaw mabanhaw dà.

Marcos 9:12

Si Jesus tuminubag, “Laus gayed ha mauna dini si Elias ta daw mapamandayan din sa alan. Hurà nuy ba diay katun-i sa insulat ha lalang hu Dios ha tagyanaen, ‘Sa Batà hu Etaw kinahanglan gayed ha mag-antus hu madakel ha mga pasipala daw pagtameyes.’

Lucas 24:26

Kenà ba kinahanglan ha su Misiyas makaagi hu mga alantusen daw human magharì?”

Lucas 9:44

“Palilimani nuy gayed haini sa ag-ikagiyen ku iman inyu ha siak sa Batà hu Etaw laus ad en itugyan duun hu aghimatay kanak.”

Juan 10:18

Hurà gayed makapatay kanak ba ku matay a kanak en ha pagbayà. Amin ku katenged hu pagpakamatay daw amin ku daan gahem ha mabanhaw a dà ta iyan haini insugù kanak hu Dios ha Amay ku.”

Juan 2:19

Tuminubag si Jesus, “Kagasa nuy haini sa timplu ta agbalayen ku dà duun hu tatulu ha aldaw.”

Juan 3:14

Su duun pa si Moises hu pinakabulung-bulung ha lugar intaud din sa bunsalagan ha binuhat hu galang duun hu kayu daw ipatangkaw ta daw sa etaw ha umahà taena harì gayed matay. Iling daan taena ha sa Batà hu Etaw kinahanglan ha itaud duun hu kayu daw ipatangkaw

2 Timoteo 2:12

Ku mag-antus kuy magharì kuy daan duma kandin. Ba ku harì taw angkenen si Cristo Jesus harì kuy daan kandin angkenen.