Marcos 8:12 - Lalang Hu Dios

¹² Miggahinawa si Jesus hu madalem daw ikagi, “Imbà kaw tagpan-ahà hu belenganen? Laus gayed sa ag-ikagiyen ku inyu ha iman harì kaw gayed makaahà hu belenganen.”

Marcos 8:12 ပူးပေါင်းရင်းမြစ်များ

Mateo 12:38

Amin mga manunudlù hu Kasuguan daw mga Parisiyu ha minikagi diyà ki Jesus, “Manunudlù, ipaahà kay ikaw hu timaan ha belenganen.”

Mateo 16:4

Sa mga etaw iman ha madaet sa mga buhat dan daw nakadiyù en duun hu Dios iyan tagpan-ahà hu mga belenganen, ba iyan dà makapaahà ku inyu ha timaan sa naul-ulahan hi Jonas ha prupita.” Dayun inawaan sidan hi Jesus.

Marcos 3:5

Mighelaw-helaw diyà ta kandan si Jesus ha napauk, ba naguul daan tumenged ta madesen sa henà-henà dan. Dayun inikagiyan din su etaw ha nakimay, “Bunhata sa alima nu.” Aman binunhat din haena dayun sagunà naulian.

Marcos 6:6

Nabeleng gayed si Jesus ta harì sidan agtuu. Duminuun si Jesus hu duma ha mga banuwa daw migtudlù diyà.

Marcos 7:34

Huminangad si Jesus diyà ta langit daw gahinawa hu madalem dayun minikagi, “Ipata” ha tagkahulugan, “Mapuwaan.”

Marcos 8:13

Dayun inawaan din sidan daw likù duun ku barutu daw luminayun haena.

Marcos 9:19

Minikagi si Jesus, “Sinyu ha mga etaw sa harì agtuu, nalugay en sa pagduma-dumahà taw. Inu pa diay kalugay sa pag-angat ku ha tumuu kaw en kanak? Uwita dini hayana sa batà.”

Lucas 19:41

Su matan-aw hi Jesus sa banuwa ta Jerusalem inagalaan din haena