Marcos 7:25 - Lalang Hu Dios

²⁵ Amin diyà bahi ha sa laga-laga din tinaguan hu busaw. Su mapaliman din sa mahitenged ki Jesus inelegan din daw luhud duun hu atubangan taena.

Marcos 7:25 ပူးပေါင်းရင်းမြစ်များ

Mateo 15:22

Amin diyà bahi ha sa mga kapuun din su anay taga-Canaan ha duminiyà ki Jesus daw hangyù, “Ginuu ha Kaliwat hi David, kahid-uwi a ikaw. Agkatungkayan sa laga-laga ku ta tinaguan hu busaw.”

Marcos 1:40

Amin sanglahen ha luminuhud diyà ki Jesus daw huminangyù, “Ku mabayà ka ngaay bulungen a ikaw taini ha mahugaw ha dalu ku.”

Marcos 5:33

Su matun-an ku bahi sa nahitabù kandin luminuhud duun hu atubangan hi Jesus ha taghugdunan hu kahaldek din dayun intultul din sa alan.

Marcos 7:24

Uminawà diyà si Jesus daw duminuun hu lugar ha ubay ta Tiro daw ta Sidon dayun sumineled duun hu balay. Harì din ngaay agkabayaan ha matun-an hu mga etaw ha didiyà ba hurà gayed makaheles.

Marcos 7:26

Su bahi Griego ha etaw ha imbatà diyà ta Fenice ha sakup ta Siria. Pinagayukan din si Jesus ha bugawen taena su busaw duun ku laga-laga.

Lucas 17:16

Luminuhud haena duun hu atubangan hi Jesus daw migpasalamat. Saena ha etaw kenà Judio ba taga-Samaria.