Marcos 6:15 - Lalang Hu Dios

¹⁵ Sa duma tag-ikagi daan, “Iyan si Elias sa prupita.” Daw sa duma tag-ikagi, “Prupita haena iling duun hu nangauna ha mga prupita.”

Marcos 6:15 ပူးပေါင်းရင်းမြစ်များ

Mateo 16:14

Tuminubag sidan, “Sa duma tag-ikagi ha iyan ka kun si Juan Ha Tagpamautismu daw sa duma tag-ikagi daan ha iyan ka kun si Elias. Sa duma tag-ikagi ha iyan ka kun si Jeremias daw ku iyan ka ba sa sabuwa duun hu mga prupita.”

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Marcos 6:16

Ba su mapaliman haena hi Herodes uminikagi, “Nabanhaw gid si Juan sa pinapungulan ku.”

Marcos 8:28

Tuminubag sidan, “Sa duma tag-ikagi ha iyan ka kun si Juan Ha Tagpamautismu, sa duma tag-ikagi daan ha iyan ka kun si Elias, sa duma tag-ikagi ha sabuwa ka kun duun hu mga prupita.”

Lucas 1:17

Iyan haena agkauna dì hu Ginuu daw sa gahem din iling ki Elias ha prupita ta daw makag-uliay sa maayad ha pagdapità hu mga batà duun hu mga laas dan, daw sa mga etaw ha masinupaken makaghinulsul daan dayun makalikù duun hu maayad ha panghenà-henà. Iyan haena makapangandam hu kaet-etawan hu pagpakauma hu Ginuu.”

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Lucas 7:39

Su maahà haena ku Parisiyu ha mig-imbita ki Jesus nakahenà-henà haena, “Ku laus pa haini ha prupita matun-an din en ngaay ha makasasalà gayed haini sa bahi ha mig-ibit kandin.”

Lucas 9:19

Tuminubag sidan, “Sa duma tag-ikagi ha iyan ka kun si Juan Ha Tagpamautismu daw sa duma tag-ikagi daan ha iyan ka kun si Elias, sa duma tag-ikagi ha sabuwa ka duun hu mga prupita su anay ha nabanhaw.”

Lucas 9:8

sa duma tag-ikagi ha iyan en kun haena si Elias ha nakahiwal daw sa duma tag-ikagi ha nabanhaw sa sabuwa duun taena ha mga prupita su anay.

Juan 1:21

Aman nanginginsà sidan, “Sin-u ka diay? Iyan kad en ba si Elias ha prupita?” Ba tuminubag si Juan, “Kenà a iyan.” Minisab sidan nanginginsà, “Iyan kad en ba su tagsalapen day ha Prupita?” Tuminubag gihapun si Juan, “Kenà a daan iyan.”

Juan 1:25

nanginginsà, “Ku kenà ka iyan su Misiyas daw ku kenà ka daan iyan si Elias daw saena ha tagsalapen day ha Prupita, imbà nu agpamautismuwi sa mga etaw?”

Juan 6:14

Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 7:40

Su mapaliman hu mga etaw sa inikagi hi Jesus sa duma kandan minikagi, “Laus gayed ha iyan en haena su tagsalapen taw ha Prupita.”

Juan 9:17

Dayun inisaban dan ininsaan su nakaindan, “Inu sa maikagi nu mahitenged taena ha migbulung hu mata nu?” Tuminubag haena, “Iyan en gayed haena prupita.”