Marcos 5:35 - Lalang Hu Dios

³⁵ Su kamulu pa si Jesus tag-ikagi nakauma sa mga etaw ha napuun ta balay hi Jairo su agalen taena ha simbahan ha tagyanaen, “Su laga-laga nu minatay en aman harì nud en agsamuka sa Manunudlù.”

Marcos 5:35 ပူးပေါင်းရင်းမြစ်များ

Mateo 26:10

Ba natun-an hi Jesus sa tagsubayen dan aman inikagiyan din sidan, “Imbà nuy agsamuka haini sa bahi? Sa binuhat din dini ta kanak madagway tungkay.

Mateo 26:18

Tuminubag si Jesus, “Dumuun kaw hu sabuwa ha etaw diyà ta banuwa daw ikagiyi nuy, ‘Sa Manunudlù tag-ikagi ha ubay en sa natugun ha panahun ha matay aman agpanihapun hu pagsaulug duma hu mga tinun-an din diyà ta balay nu.’”

Mateo 9:18

Su kamulu pa tag-ikagi si Jesus amin agalen ha nakauma daw luminuhud diyà ta kandin. Dayun minagayuk ki Jesus hu kagi din, “Daw pa minatay su laga-laga ku, ba ku dumiyà ka daw dampaen nu haena mabanhaw dà gayed.”

Marcos 10:17

Su aghipanaw en si Jesus amin etaw ha minulalaguy diyà ta kandin daw luhud duun hu atubangan din. Nanginginsà haena, “Maayad ha Manunudlù, inu man sa kinahanglan ha buhaten ku ta daw mailahan a hu kinabuhì ha hurà din katapusan?”

Marcos 5:22

amin sabuwa ha agalen duun hu simbahan hu mga Judio ha nakauma ha tagngaranan ki Jairo. Su maahà din si Jesus luminuhud diyà ta atubangan din

Lucas 8:49

Su kamulu pa si Jesus tag-ikagi nakauma sa mga etaw ha napuun ta balay hi Jairo su agalen taena ha simbahan ha tagyanaen, “Su laga-laga nu minatay en aman harì nud en agsamuka sa Manunudlù.”

Juan 11:21

Dayun inikagiyan hi Marta si Jesus, “Ginuu, ku dini ka pa ngaay harì gayed matay sa suled ku.

Juan 11:25

Ba si Jesus minikagi, “Iyan a pakabanhaw daw iyan a daan pakaila hu kinabuhì. Ku amin agtuu kanak, bisan ku matay ba mabanhaw dà

Juan 11:28

Su maikagi haena hi Marta luminikù diyà ta balay dan daw muymuyahi si Maria, “Tagdini en labi sa Manunudlù na dumiyà ka kun ta kandin.”

Juan 11:32

Su makauma si Maria diyà ki Jesus sagunà luminuhud duun hu atubangan din ha minikagi, “Ginuu, ku dini ka pa, harì ngaay matay sa suled ku.”

Juan 11:39

aman suminugù si Jesus, “Awaa nuy haini sa batu.” Ba si Marta sa suled hi Lazaro minikagi, “Ginuu, mahudù en iman hayana ta haepat en ha aldaw sa kalebenga kandin.”

Juan 5:25

Laus gayed sa ag-ikagiyen ku inyu ha makauma sa panahun ha mapaliman hu mga minatay en sa lageng ku siak sa Batà hu Dios, daw sa agpaliliman mailahan hu kinabuhì ha hurà din katapusan.