Marcos 3:7 - Lalang Hu Dios

⁷ Uminawà si Jesus diyà duma hu mga tinun-an din dayun duminuun sidan ku danaw. Namanduma kandan sa madakel tungkay ha mga etaw ha nangapuun diyà ta prubinsya ta Galilea.

Marcos 3:7 ပူးပေါင်းရင်းမြစ်များ

Mateo 10:23

Ku pasipalahan kaw kandan duun hu sabuwa ha banuwa pulaguy kaw duun hu lain. Laus gayed sa ag-ikagiyen ku inyu ha harì nuy pa makalekep sa Maayad ha Tultulanen diyà ta Israel lumikù ad en siak sa Batà hu Etaw.

Mateo 12:15

Tumenged ta natun-an hi Jesus sa agbuhaten hu mga Parisiyu minawà haena diyà. Madakel ha mga etaw sa namanduma kandin daw naulian din sa alan ha agkangadaluwan,

Mateo 12:16

ba binalaudan sidan hi Jesus ha harì dan gayed haena ikagiyen ku sin-u.

Mateo 4:25

Madakel tungkay sa namanduma kandin ha nangapuun diyà ta Jerusalem daw duun hu mga prubinsya ta Galilea daw ta Judea daw duun taena ha lugar ta Decapolis daw hu duma ha mga banuwa diyà ta layun ta Jordan.

Marcos 1:39

Aman nalekep hi Jesus sa alan ha mga banuwa sakup ta Galilea, migtudlù duun hu mga simbahan hu mga Judio daw pinamugaw din daan sa mga busaw.

Marcos 1:45

Ba su makahipanaw en su etaw bà dà nasì nanunultul duun hu bisan hindu. Aman si Jesus harì en paman pakaduun hu mga banuwa ba duun dà tagtimaay hu pinakabulung-bulung ha mga lugar. Ba bisan pa taena inelegan si Jesus hu mga etaw ha nangapuun duun hu bisan hindu.

Marcos 3:20

Sumineled si Jesus duun hu balay daw madakel en paman ha mga etaw sa nangaamul-amul diyà ta kandin, aman hurà en panahun hi Jesus daw hu mga tinun-an din hu pagkaen.

Marcos 4:1

Amin panahun ha si Jesus migtudlù en paman duun hu kilid taena ha danaw. Tumenged ta madakel tungkay sa mga etaw ha nangaamul-amul diyà ta kandin mininuu haena duun hu barutu na sa mga etaw diyà dà ta gaun hu pagpaliliman kandin.

Lucas 23:5

Ba bà dà sidan nasì nangatarengan ha tagyanaen, “Iyan haini migsinamuk duun hu mga etaw pinaagi hu pagtudlù din kandan sugud ta Galilea dayun duun hu mga banuwa ta Judea daw bisan iman dini ta Jerusalem.”

Lucas 6:12

Duun taena ha panahun duminuun si Jesus hu buntud daw luminam-ag mag-ampù duun hu Dios.

Lucas 6:17

Tuminubang si Jesus daw sa mga sumusunud din payanaen duun hu patag. Diyà daan sa madakel tungkay ha mga sumusunud din daw amin daan mga etaw ha nangapuun diyà ta Jerusalem daw duun hu alan ha mga banuwa ha sakup ta Judea daw hu mga banuwa ha kilid ta dagat ha ubayà ta Tiro daw ta Sidon.

Juan 7:41

Sa duma minikagi, “Iyan en haena su Misiyas.” Ba sa duma minikagi daan, “Kenà ta harì mahimu ha diyà kapuun sa Misiyas ta Galilea

Juan 7:52

Ba tuminubag sa mga duma din ha Parisiyu, “Taga-Galilea ka ba diay daan? Susiya nu sa lalang hu Dios ta daw matun-an nu ha hurà prupita ha diyà agkapuun ta Galilea.”

Mga Buhat 17:10

Su daleman en si Pablo daw si Silas impahipanaw hu mga tumutuu payanaen diyà ta Berea. Su makauma sidan diyà sumineled sidan duun hu simbahan hu mga Judio.

Mga Buhat 17:14

Aman sagunà impadiyà hu mga tumutuu si Pablo ta dagat. Ba si Silas daw si Timoteo migpabilin ta Berea.