Marcos 3:29 - Lalang Hu Dios

²⁹ ba saena ha migpasipala hu Balaan ha Ispiritu harì en gayed mapasaylu.”

Marcos 3:29 ပူးပေါင်းရင်းမြစ်များ

Mateo 25:46

“Dayun saena ha mga etaw ilambeg diyà ta Impirnu daw silutan hu hurà din katapusan, ba sa matareng mailahan hu kinabuhì ha hurà din katapusan.”

Mateo 9:3

Amin daan diyà mga manunudlù, Kasuguan ha nakahenà-henà, “Saini ha etawa tagtameyes gayed hu Dios.”

Marcos 12:40

Aglupigan dan daan sa mga balu ha bahi daw ag-agawen dan sa mga katigayunan taena, dayun agtambunan dan sa madaet ha mga buhat dan pinaagi hu pag-ampù ha malugayad. Tumenged taini adagi gayed sa silut kandan.”

Marcos 3:30

Inikagi din haena ta sa duma ha etaw tag-ikagi ha si Jesus tinaguan hu busaw.

Lucas 12:10

Bisan sin-u haena sa magtameyes kanak siak sa Batà hu Etaw mabaluy pa ha pasayluwen, ba sa magtameyes hu Balaan ha Ispiritu harì gayed mapasaylu.

2 Tesalonica 1:9

Sa igsilut kandan iyan sa hurà din katapusan ha mga alantusen makasuway daan sidan duun hu Ginuu daw duun hu pagkagamhanan din.

Judas 1:13

Sa buhat dan ha pinakagalugayhà harì gayed agpakaheles ta agkailing sidan hu maadagi ha baled ha tag-uwit-uwit hu madaet ha bulà-bulà. Iling pa gayed sidan hu mga bituen ha agkangahulug duun hu kasukileman ta iyan haena intagana hu Dios ha duun sidan agsilutan hu hurà din katapusan.

Judas 1:7

Iling daan sa mga etaw diyà ta Sodoma daw Gomora daw duun hu ubayà taena ha banuwa nakasalà daan ta sa binuhat dan malaw-ay daw migpaasawahà sa alan dà maama. Nabuhat sidan ha sampitan hu mga agsilutan pinaagi hu hapuy ha harì en gayed agkapedengan.