Marcos 3:10 - Lalang Hu Dios

¹⁰ ta madakel sa nangaulian din ha nangadaluwan aman sa duma ha tagdadalu agliet gayed ta ag-ibit ngaay kandin.

Marcos 3:10 ပူးပေါင်းရင်းမြစ်များ

Mateo 12:15

Tumenged ta natun-an hi Jesus sa agbuhaten hu mga Parisiyu minawà haena diyà. Madakel ha mga etaw sa namanduma kandin daw naulian din sa alan ha agkangadaluwan,

Mateo 14:14

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan dayun naulian din sa agkangadaluwan.

Mateo 14:36

daw pinagayukan dan si Jesus ha su agkangadaluwan makaibit ngaay duun hu sagayadan hu pinaksuy din. Sa alan ha nakaibit duun nangaulian gayed.

Mateo 4:23

Nalekep hi Jesus sa alan ha banuwa ha sakup ta Galilea. Duun hu mga simbahan hu mga Judio migtudlù si Jesus hu Maayad ha Tultulanen mahitenged hu pagharì hu Dios daw naulian din daan sa alan ha mga dalu hu mga etaw.

Marcos 5:34

Inikagiyan haena hi Jesus, “Sa ingkaulii nu iyan sa pagsalig nu kanak. Ulì ka ha malinawen ta naulian kad en hu dalu nu.”

Marcos 6:56

Bisan hindu duun si Jesus agpakapayanaen bisan duun hu plasa agpaman-uwitan dan hu agkangadaluwan. Pinagayukan dan si Jesus ha su agkangadaluwan makaibit ngaay duun hu sagayadan hu pinaksuy din. Sa alan ha nakaibit duun nangaulian gayed.

Marcos 8:22

Duminiyà say Jesus ta Bethsaida dayun amin buta ha inuwit hu mga etaw diyà ta kandin daw pinagayukan dan ha dampaen din sa mata ku buta ta daw maulian.

Lucas 5:3

Aman luminulan si Jesus duun taena ha barutu hi Simon daw ikagiyi din haena ha iiseg su barutu diyà ta wahig. Dayun mininuu duun daw panudlù hu mga etaw.

Lucas 6:19

Sa agkangadaluwan agkabayà gayed ag-ibit kandin ta amin din gahem daw nangaulian din sa alan ha mga dalu dan.

Lucas 7:2

Amin diyà kapitan hu sundalu ta Roma na amin din pinalanggà ha suluguen ha apit en gayed agpatay hu dalu.

Lucas 7:21

Duun taena ha panahun naulian hi Jesus sa madakel ha mga etaw ha amin dan mga dalu daw binugaw din sa mga busaw ha tuminagù duun hu mga etaw daw amin daan mga buta ha nakaindan.

Mga Buhat 5:15

Tumenged hu binuhat ku mga apustulis pinan-uwit duun hu mga dalan sa mga agkangadaluwan ha impamahidegà duun hu duyanan daw mga banig, ta sa henà-henà dan ha ku makaagi si Pedro diyà ta kandan bisan ku alung din dà sa makalambung kandan maulian en sidan.

Hebreo 12:6

Ta sa alan ha palanggà ku daw inisip ha batà ku agbaldengen ku gayed.”