Marcos 2:2 - Lalang Hu Dios

² Aman inamul-amulan haena hu mga etaw na harì en sidan agkaaul bisan ta pultahan, dayun tinultulan sidan hi Jesus hu lalang hu Dios.

Marcos 2:2 ပူးပေါင်းရင်းမြစ်များ

Mateo 5:2

dayun nanudlù kandan ha tagyanaen,

Marcos 1:14

Su maprisu en si Juan luminikù si Jesus diyà ta prubinsya ta Galilea daw migsangyaw hu Maayad ha Tultulanen ha napuun duun hu Dios

Marcos 1:33

Sa mga etaw duun taena ha banuwa nangaamul-amul duun hu atbang taena ha balay

Marcos 1:37

Su maahà dan en si Jesus inikagiyan dan, “Madakel sa tagpan-ahà ikaw.”

Marcos 1:45

Ba su makahipanaw en su etaw bà dà nasì nanunultul duun hu bisan hindu. Aman si Jesus harì en paman pakaduun hu mga banuwa ba duun dà tagtimaay hu pinakabulung-bulung ha mga lugar. Ba bisan pa taena inelegan si Jesus hu mga etaw ha nangapuun duun hu bisan hindu.

Marcos 2:1

Su pila en ha aldaw ha makalikù si Jesus diyà ta Capernaum napaliman hu mga etaw ha nakaulì en si Jesus.

Marcos 2:13

Si Jesus duminuun dà paman hu kilid taena ha danaw. Madakel gayed ha mga etaw sa duminiyà ta kandin aman nanudlù dayun haena.

Marcos 6:34

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan ta agkailing sidan hu mga karniru ha hurà duun magbalantay. Dayun tinudluan din sidan hu madakel ha mga katudluanan.

Lucas 12:1

Su maamul-amul sa libu-libuwen ha mga etaw ha pakaggik-ayà en sidan uminikagi si Jesus duun hu mga tinun-an din, “Bantayi nuy ha harì kaw malimbungan hu mga Parisiyu ha tagpasibù-sibù.

Lucas 5:17

Amin aldaw ha su tagpanudlù si Jesus amin daan tagpinuu ha mga Parisiyu daw mga manunudlù hu Kasuguan ha napuun duun hu alan ha mga banuwa ha sakup ta Galilea, Judea daw diyà daan ta Jerusalem. Si Jesus ginaheman hu Dios ta daw maulian din sa agkangadaluwan.

Lucas 8:1

Su maiwas haena duminuun si Jesus hu migkalain-lain ha banuwa daw migsangyaw hu Maayad ha Tultulanen mahitenged hu pagharì hu Dios. Namanduma kandin sa sampulù daw daruwa ha tinun-an din

Lucas 8:11

“Iyan haini kahulugan taena ha pananglitan mahitenged hu namegas. Saena ha insawed ha binhì iyan sa lalang hu Dios.

Mga Buhat 11:19

Su pasipalahan sa mga tumutuu sugud hu kahimatayi ki Esteban nakagsusuwayà sidan. Sa duma kandan nakapulaguy payanaen duun hu nasud ta Fenicia daw duun hu pulù ta Cipro daw banuwa ta Antiokia. Nanunultul sidan hu lalang hu Dios ba duun dà hu mga Judio.

Mga Buhat 16:6

Tumenged ta binaldeng say Pablo hu Balaan ha Ispiritu hu pagpanunultul hu lalang hu Dios diyà ta prubinsya ta Asia, duun sidan nakaagi hu mga banuwa ha sakup ta Frigia daw Galacia.

Mga Buhat 8:25

Su makapenga sidan manunultul hu lalang hu Dios luminikù si Pedro daw si Juan diyà ta Jerusalem daw migsangyaw hu Maayad ha Tultulanen duun hu naagiyan dan ha mga banuwa diyà ta Samaria.

Roma 10:8

Ta sa lalang hu Dios migpadayag kanuy ha sa tultulanen mahitenged ki Cristo Jesus didini en ta kanuy daw duun en hu mga henà-henà taw daw makatultul taw en duun hu duma ha mga etaw. Sa tultulanen mahitenged hu pagtuu ki Cristo Jesus ha tigsangyaw day iyan sa

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.