Marcos 2:12 - Lalang Hu Dios

¹² Sagunà haena minangun daw uwita su banig din dayun awà diyà ta kandan. Sa alan ha mga etaw nangabeleng daw dinayè dan daan sa Dios hu kagi, “Hurà kuy pa gayed makaahà hu agkailing taini.”

Marcos 2:12 ပူးပေါင်းရင်းမြစ်များ

Mateo 12:23

Sa alan ha mga etaw ha nakaahà taena tungkay nangabeleng daw nakaikagi sidan, “Iyan en gid haini su intagnà ha Misiyas ha Kaliwat hi David.”

Mateo 15:31

Su maahà haena hu mga etaw tungkay sidan nangabeleng ta pakaikagi en su emaw daw pakahipanaw en daan su pigket, pakaindan en su buta daw naulian daan su piang. Aman dinayè dan sa Dios ha iyan Dios hu kaliwatan hi Israel.

Mateo 9:33

Su bugawen hi Jesus su busaw sagunà nakaikagi su emaw. Sa mga etaw diyà tungkay nangabeleng hu kagi dan, “Dini ta bugtà ta Israel daw pa gayed nahitabù sa iling taini.”

Mateo 9:8

Su maahà haena hu mga etaw tungkay sidan nangabeleng daw dinayè dan sa Dios tumenged ta in-ila din ki Jesus sa kagahem ha iling taena.

Marcos 1:27

Sa alan ha mga etaw diyà nangabeleng gayed daw migpainsaay, “Bag-u ba gid haini ha katudluanan? Ta saini ha etaw amin din gahem ha bisan sa mga busaw agtuu kandin.”

Marcos 2:11

“Bangun kad, luluna su banig nu daw ulì kad en.”

Lucas 13:13

Dayun dinampà din daw sagunà natul-idan aman pigdayè ku bahi sa Dios.

Lucas 17:15

Sa sabuwa kandan su maahà din ha naulian en luminikù dà diyà ki Jesus daw kuminulahì ha tagdayè hu Dios.

Lucas 5:26

Sa alan ha mga etaw nangabeleng daw dinayè dan daan sa Dios, “Belenganen gayed sa naahà taw iman.”

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Juan 7:31

Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 9:32

Sugud dà hu katanghagaa ta kalibutan daw taw pa iman napaliman ha amin nakaulì hu mata hu daan en buta su ibatà.

Mga Buhat 4:21

Pighulgà pa gayed si Pedro daw si Juan daw human ipaguwà. Hurà sidan kasiluti ku mga agalen ta sa mga etaw tagdayè hu Dios tumenged hu nahitabù.