Marcos 16:9 - Lalang Hu Dios

⁹ Su mabanhaw en si Jesus hu kaaldawen hu Duminggu iyan una ha pigpaahaan din diyà si Maria Magdalena su naulian din ha tinaguan su anay hu pitu ha busaw.

Marcos 16:9 ပူးပေါင်းရင်းမြစ်များ

Mateo 27:56

Sa duma kandan iyan si Maria Magdalena daw si Maria ha inay hi Santiago daw hi Jose daw sa asawa hi Zebedeo.

Marcos 15:40

Amin daan mga bahi ha tagbantay ki Jesus ba diyà dà sidan ta madiyù, sa duma kandan iyan si Maria Magdalena, si Salome daw si Maria sa inay hi Santiago daw hi Jose.

Marcos 15:47

Si Maria Magdalena daw sa sabuwa ha Maria ha inay hi Jose nakaahà ku hindu inlebeng si Jesus.

Marcos 16:8

Su mga bahi pighugdunan hu kahaldek daw nangabeleng aman guminuwà sidan duun ku lebeng daw pulalaguy. Harì sidan agpakaikagi diyà ta dalan ta agkangahaldek sidan.

Lucas 24:10

Saini ha mga bahi ha nanunultul duun hu mga apustulis iyan si Maria Magdalena si Juana, si Maria ha inay hi Santiago daw amin pa duma ha mga bahi.

Lucas 8:2

daw amin daan mga bahi ha nangadaluwan daw tinaguan hu busaw su anay ha nangaulian en. Iyan haena sidan si Maria sa tagngaranan ki Magdalena ha iyan su ginuwaan hu pitu ha busaw,

Juan 20:12

daw naahà din sa daruwa ha balinsuguen hu Dios ha tungkay maputì sa bisti dan. Sa sabuwa diyà tagpinuu hu ulunan taena ha naugsakan hu lawa hi Jesus daw sa sabuwa diyà ta sikwayan din.

Mga Buhat 20:7

Su sumalep en sa aldaw duun hu Sabadu naamul-amul kay sa alan ha mga tumutuu hu pagkaen daw hu paghenà-henà taena ha kamatayen hi Jesus. Si Pablo migwali taman hu liwarà sa daleman ta ku maselem agdayun dà haena aghipanaw.

1 Corinto 16:2

Ku Duminggu itapid hu kada sabuwa inyu sa amut nuy sumalà hu agkangatimù nuy ta daw ku makauma a diyan harì kaw en mag-amutà.

Impadayag 1:10

Amin sabuwa ha Duminggu ha ginaheman a hu Balaan ha Ispiritu dayun napaliman ku sa lageng ha agkailing hu trumpita duun hu agkatalikudan ku