Marcos 16:1 - Lalang Hu Dios

^1-2 Su maiwas en sa Aldaw hu Paghimlay daw suminibwal en sa aldaw duun hu Duminggu, si Maria Magdalena, si Salome, daw si Maria sa inay hi Santiago duminuun ku piglebengan ki Jesus sa tag-uuwit hu pahumut ha pinalit dan ta ighaplas dan haena hu lawa hi Jesus.

Marcos 16:1 ပူးပေါင်းရင်းမြစ်များ

Marcos 14:3

Su tagkaen si Jesus diyà ta Betania duun hu balay hi Simon ha sanglahen su anay amin bahi ha uminubay diyà ki Jesus. Saena ha bahi tag-uwit hu pahumut ha tungkay mahal ha tagngaranan hu nardu daw intagù duun hu butilya ha alabastru. Ginebà din sa tangeb taena daw ihudhud diyà ta ulu hi Jesus.

Marcos 14:8

Binuhat din dini ta kanak sa agkabaug din hu pagpangandam hu kalebenga kanak.

Marcos 15:40

Amin daan mga bahi ha tagbantay ki Jesus ba diyà dà sidan ta madiyù, sa duma kandan iyan si Maria Magdalena, si Salome daw si Maria sa inay hi Santiago daw hi Jose.

Marcos 15:42

Hapun haena hu Birnis na ku sumalep en sa aldaw agsugud en sa Aldaw hu Paghimlay.

Marcos 15:47

Si Maria Magdalena daw sa sabuwa ha Maria ha inay hi Jose nakaahà ku hindu inlebeng si Jesus.

Marcos 16:8

Su mga bahi pighugdunan hu kahaldek daw nangabeleng aman guminuwà sidan duun ku lebeng daw pulalaguy. Harì sidan agpakaikagi diyà ta dalan ta agkangahaldek sidan.

Lucas 23:54

Hapun haena hu Birnis na ku sumalep sa aldaw agsugud en sa Aldaw hu Paghimlay.

Lucas 23:56

Dayun naman-ulì sidan daw nangandam hu mga pahumut para hu lawa hi Jesus. Ba duun hu Aldaw hu Paghimlay huminimlay sidan sumalà hu Kasuguan.

Lucas 24:1

Su kaaldawen en hu Duminggu sa mga bahi ha tag-uwit hu pig-andam dan ha mga pahumut duminuun ku piglebengan ki Jesus.

Juan 19:25

Duun hu ubay ku krus ha piglansangan ki Jesus diyà tagtiyadeg si Inay din daw sa suled hi Inay din, si Maria ha asawa hi Clopas daw si Maria Magdalena.

Juan 19:31

Su agkahapun en sa mga agalen hu Judio huminangyù diyà ki Pilato ha pamalien dan en sa mga paa taena ha impanlansang duun hu krus ta daw mamamatay en sidan. Binuhat dan haena ta daw maawà dà su impanlansang duun hu krus ha harì pa mauma sa Aldaw hu Paghimlay ta iyan tungkay balaan.