Marcos 15:43 - Lalang Hu Dios

⁴³ Amin etaw ha tagngaranan ki Jose ha taga-Arimatea ha tinahud hu alan ha mga labaw ha agalen hu mga Judio daw tagsalap daan hu pagharì hu Dios. Saena namalaw gayed hu pagdiyà ki Pilato daw panayua sa lawa hi Jesus.

Marcos 15:43 ပူးပေါင်းရင်းမြစ်များ

Mateo 19:30

Madakel iman ha mga etaw sa tagkauna ba iyan diay mahudiyan, daw amin daan etaw ha hudiyan iman ba iyan diay mauna.

Mateo 20:16

“Aman sa etaw ha tagkahudiyan iyan diay mauna, daw madakel sa tagkauna iman ha iyan man diay mahudiyan.”

Mateo 27:57

Su mahapun en duminiyà ki Pilato sa sabuwa ha sumusunud hi Jesus ha iyan si Jose sa sapian ha taga-Arimatea daw panayua sa lawa hi Jesus. Insugù hi Pilato ha saena iila kandin ta daw makalebeng din.

Marcos 14:54

Si Pedro taglupug daan kandan ba madiyù dà daw diyà dà nataman ta lama. Uminamul haena duun hu mga bantay ha tagpinuu diyà ha taghidadang duun hu hapuy.

Marcos 15:44

Migduwa-duwa si Pilato ku minatay en ba si Jesus aman inumaw din su kapitan hu mga sundalu daw insai ku minatay en ba si Jesus.

Lucas 2:25

Amin etaw diyà ta Jerusalem ha tagngaranan ki Simeon saena matareng daw masinimbahen daw tag-angatà hu paglibriya hu mga kaliwatan hi Israel. Inulinan haena hu Balaan ha Ispiritu

Lucas 2:38

Su diyà pa say Jose duminiyà si Ana ta kandan. Pigpasalamatan din sa Dios mahitenged taena ha batà dayun impadayag din duun hu mga etaw ha nakauma en sa makalibri hu mga kaliwatan hi Israel ha tagsalapen dan.

Lucas 23:50

Amin etaw ha tagngaranan ki Jose ha taga-Arimatea ha sakup ta Judea. Saena matareng gayed ha etaw ha tagsalap hu pagharì hu Dios daw sabuwa daan duun taena ha labaw ha agalen ba hurà hu kandin uyun ha himatayan si Jesus.

Juan 19:38

Amin etaw ha tagngaranan ki Jose ha taga-Arimatea ha duminiyà ki Pilato daw panayua sa lawa hi Jesus. Saena in-ila hi Pilato kandin aman duminuun si Jose ku krus daw timua sa lawa hi Jesus. Si Jose sumusunud hi Jesus ba inheles din sa pagtuu din su anay ta agkahaldek hu mga agalen hu Judio.

Mga Buhat 13:50

Ba sa mga tinahud daw masinimbahen ha mga bahi daw sa mga tinahud ha mga maama duun taena ha banuwa pighulhugan hu mga Judio diyà ha pasipalahan dan si Pablo daw si Bernabe, aman binugaw dan say Pablo diyà.

Mga Buhat 17:12

Aman madakel gayed ha mga Judio sa tuminuu bisan sa kenà mga Judio ha tinahud ha bahi daw madakel daan ha mga maama ha kenà Judio.

Filipos 1:14

Tumenged daan taena sa kadakelà ha mga suled taw duun hu pagtuu nadasig pagsalig hu Ginuu daw mig-iseg daan sa pagsangyaw dan hu lalang hu Dios ha hurà dan gayed kahaldek.