Marcos 14:38 - Lalang Hu Dios

³⁸ Magbantay kaw gayed daw mag-ampù ta daw harì kaw madaeg hu panulay. Agkabayà ngaay sa henà-henà nuy ba maluya kaw.”

Marcos 14:38 ပူးပေါင်းရင်းမြစ်များ

Mateo 24:42

“Aman magbantay kaw gayed ta harì nuy agkatun-an sa panahun ku kan-u a makalikù siak sa Ginuu nuy.

Mateo 25:13

“Aman” kagi hi Jesus “pangandam kaw gayed ta harì nuy agkatun-an ku kan-u a aglikù.

Mateo 26:41

Magbantay kaw gayed daw mag-ampù ta daw harì kaw madaeg hu panulay. Agkabayà ngaay sa henà-henà nuy ba maluya kaw.”

Mateo 6:13

Ipadiyù kay ikaw hu panulay daw buligi kay ikaw ta daw harì kay madaeg hi Satanas.’

Marcos 14:34

aman inikagiyan din sidan, “Miglabay gayed kasakit sa gahinawa ku ha bà su agkabugtù en. Dini kaw dà daw magbantay kaw.”

Marcos 14:37

Dayun linikuan hi Jesus su tatulu mga tinun-an din ba naahà din ha tagtidugahà en sidan. Aman inikagiyan din si Pedro, “Simon, tagtiduga kad en ba? Imbà kaw harì pakagbantay bisan ngaay nangkauras dà?

Marcos 14:39

Luminikù dà paman si Jesus daw mig-ampù iling ku nauna.

Lucas 21:36

Aman magbantay kaw gayed daw sigi kaw dà mag-ampù ta daw harì kaw luyahan ku makauma en sa mga hitabù daw harì kaw magayhaan duun hu atubangan ku siak sa Batà hu Etaw.”

Lucas 22:40

Su makauma sidan diyà minikagi si Jesus, “Mag-ampù kaw ta daw harì kaw madaeg hu panulay.”

Lucas 22:46

Inikagiyan din sidan, “Imbà kaw tagtidugahà? Bangun kaw daw mag-ampù ta daw harì kaw madaeg hu panulay.”

1 Corinto 16:13

Mag-andam kaw gayed daw lig-eni sa pagtuu nuy. Harì kaw agkahaldek ba ipaahà nuy ha mabis-ay kaw gayed duun hu pagtuu.

Galacia 5:17

Ta sa makasasalà ha kinaiya supak hu Balaan ha Ispiritu daw sa agkabayaan hu Balaan ha Ispiritu supak gayed hu makasasalà ha kinaiya. Saini ha daruwa tagkuntra aman harì nuy gayed mabuhat sa agkabayaan nuy ngaay agbuhata.

Filipos 2:12

Palangga ku ha mga suled, iling ha migmatinumanen kaw kanak su diyan a pa ta inyu su anay kinahanglan ha labaw pa gayed sa pagkamatinumanen nuy bisan ku hurà ad en iman diyan. Paniguruwi gayed sa kaluwasan nuy duma hu kahaldek daw paghukum hu Dios taman ha mauma sa aldaw ha matuman haini,

1 Pedro 5:8

Magpugung kaw hu kaugalingen nuy daw magpangandam kaw ta sa kuntra nuy ha si Satanas taglibut-libut diyan ta inyu iling hu taghinigel ha liyun ta tagpan-ahà hu makagat din.

Impadayag 3:10

Tumenged ta matinumanen kaw hu mga sugù ku daw migpailub kaw hu mga alantusen bantayan ku gayed daan inyu ku mauma sa panahun ha sulayen hu tungkay malegen ha alantusen sa alan ha kaet-etawan dini ta tibuuk ha kalibutan.