Marcos 14:33 - Lalang Hu Dios

³³ Dinuma din si Pedro, si Santiago daw si Juan. Suminakit gayed sa gahinawa din hu kalugul

Marcos 14:33 ပူးပေါင်းရင်းမြစ်များ

Marcos 16:5

Su sumeled sidan duun naahà dan sa maama ha tagpinuu diyà dapit ta kawanan ha sa pinaksuy din tungkay maputì aman nangahaldek gayed sidan.

Marcos 16:6

Ba inikagiyan sidan taena, “Harì kaw agkangahaldek. Tagpan-ahaen nuy si Jesus ha taga-Nazareth sa inlansang duun hu krus ba hurà en dini ta nabanhaw en. Ahaa nuy haini sa naugsakan din.

Marcos 5:37

Iyan din dà dinuma si Pedro, si Santiago daw sa suled taena ha si Juan.

Marcos 9:15

Su maahà hu mga etaw si Jesus nangabeleng gayed sidan aman inagpas dan haena sinal-aw hu pagdawat kandin.

Marcos 9:2

Su maiwas en sa haenem ha aldaw dinuma hi Jesus si Pedro, si Santiago, daw si Juan duun hu matangkaw ha bubungan ha iyan dà sidan. Duun hu atubangan dan tigkan nahalin si Jesus.

Lucas 22:44

Miglugul gayed si Jesus aman ayuwà pa naniguru hu pag-ampù ha namanulù diyà ta bugtà sa ating din ha iling hu langesa.

Hebreo 5:7

Su dini pa si Jesus ta kalibutan mig-ampù ha ta hinangyù hu madaging tag-agalà din sa Dios ha malibri ngaay hu kamatayen. Tumenged hu pagkamatinumanen din duun hu Dios napaliman sa pag-ampù din.