Marcos 13:34 - Lalang Hu Dios

³⁴ Iling hu sabuwa ha etaw ha aghipanaw duun hu madiyù. Inilahan din hu buluhaten sa mga sinaligan din daw sa sabuwa kandan iyan sinaligan ha magbantay duun hu pultahan.

Marcos 13:34 ပူးပေါင်းရင်းမြစ်များ

Mateo 16:19

Iman igsalig ku ikaw sa yabi ta daw mapuwaan nu sa henà-henà hu etaw ha agharian hu Dios. Saena ha igbaldeng nu dini ta kalibutan imbaldeng en hu Dios diyà ta langit, daw sa igtugut nu dini ta kalibutan intugut en hu Dios diyà ta langit.”

Juan 10:3

Saena igpaseled hu bantay hu pultahan daw agpalilimanan hu mga karniru sa lageng din. Umawen din sa mga ngaran taena ha mga karniru daw igpaguwà din sidan.

Roma 13:6

Kinahanglan daan ha magbayad kaw hu buhis ta sa mga agalen iyan suluguen hu Dios ha iyan tag-ila kandan hu katengdanan dan.

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

Colosas 3:24

ta natun-an nuy ha amin intagana hu Ginuu inyu ha bales tumenged ta mga suluguen kaw hi Cristo ha Ginuu.

Colosas 4:1

Sinyu sa mga agalen, harì nuy agdaeg-daega sa mga suluguen ta henhenaa ha amin nuy daan Agalen diyà ta langit.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.