Marcos 12:15 - Lalang Hu Dios

¹⁵ Ba natun-an hi Jesus ha bà dà sidan tagpasibù-sibù aman inikagiyan din sidan, “Imbà a inyu tagsulay-sulaya? Ipaahà kanak sa salapì ha igbayad nuy hu buhis.”

Marcos 12:15 ပူးပေါင်းရင်းမြစ်များ

Mateo 20:2

Su mga etaw ha naahà din pigsabutan dan ha agsuhulan din sidan hu tigsabuwa ha salapì ta iyan haena naanadan ha suhul hu sabuwa ha etaw kada aldaw, dayun impatrabahu din sidan.

Mateo 22:18

Ba natun-an hi Jesus ha madaet sa tuyù dan aman inikagiyan din sidan, “Sinyu sa bà dà tagpasibù-sibù, imbà a inyu tagsulay-sulaya?

Marcos 10:2

Amin daan mga Parisiyu ha duminiyà ki Jesus hu pagsulay kandin aman ininsaan dan, “Intugut ba hu Kasuguan taw ha endaan hu maama sa igbahi din?”

Marcos 12:14

Su makauma su mga sinugù inikagiyan dan si Jesus, “Manunudlù, natun-an day ha matareng ka gayed. Harì ka agkauwit hu mga henà-henà hu mga etaw ta hurà nu kandan igpalabi daw iyan nu dà tigtudlù sa kamatuuran mahitenged hu Dios. Aman ikagiyi kay ikaw ku igtugut ba hu Kasuguan taw ha magbayad kuy hu buhis diyà ki Cesar.”

Marcos 12:16

Inuwit dan su salapì dayun ininsaan sidan hi Jesus, “Sin-u ha weleng daw ngaran sa nakaugsak duun taini ha salapì?” Tuminubag sidan, “Iyan si Cesar sa Harì ta Roma.”

Lucas 20:23

Ba natun-an hi Jesus ha bà dan dà agbitika aman inikagiyan din sidan,

Juan 21:17

Duun hu ikatulu ininsaan dà paman hi Jesus, “Simon ha batà hi Juan, palanggà a ba gayed ikaw?” Suminakit sa gahinawa hi Pedro ta katulu en insai ku palanggà din ba si Jesus. Ba tuminubag gihapun, “Ginuu, natun-an nud sa alan aman natun-an nu ha palanggà ku gayed ikaw.” Dayun inikagiyan hi Jesus si Pedro, “Alimahi nu sa mga karniru ku.

Juan 8:6

Ininsaan dan si Jesus taena hu pagsulay kandin ta daw amin dan katarengan ha ikasumbung dan mahitenged kandin. Ba si Jesus bà dà duminunghuy daw isulat sa tuldù din duun hu aliyabuk.

Mga Buhat 5:9

Inikagiyan haena hi Pedro, “Imbà kaw man mag-uyun ha sulayen nuy sa Balaan ha Ispiritu ha sinugù hu Dios? Ahaa nu, ta taglikù en sa miglebeng ku igmaama nu na iyan kad en paman kandan iman iglebeng.”

1 Corinto 10:9

Kinahanglan ha harì taw gayed sulayan sa Dios iling hu binuhat hu duma kandan ta sinilutan sidan daw namamatay pinaagi hu mga bunsalagan ha namangagat.

Hebreo 4:13

Hurà gayed makaheles duun hu Dios ta sa alan agkaahà din daw agpanubag kuy diyà ta kandin.

Impadayag 2:23

daw himatayan ku daan sa sumusunud din. Dayun matun-an hu alan ha mga tumutuu ha iyan a pakasusi hu henà-henà daw hu gahinawa hu etaw daw agbalesen ku sa kada sabuwa sumalà hu tagbuhaten din.