Marcos 10:22 - Lalang Hu Dios

²² Su mapaliman ku etaw su inikagi hi Jesus linuyahan haena. Dayun huminipanaw ha naguul gayed ta madakel tungkay sa mga katigayunan din.

Marcos 10:22 ပူးပေါင်းရင်းမြစ်များ

Mateo 13:22

Su binhì ha duun nakatanà ku sampiniten iyan su mga etaw ha nakapaliman en hu lalang hu Dios. Ba tumenged hu mga kasamukan dan dini ta kalibutan daw hu kabayà dan ha magsapian sidan sa lalang hu Dios agkalipatan dan dà aman harì en haena agpamunga diyà ta kandan.

Mateo 19:22

Su mapaliman ku etaw su inikagi hi Jesus huminipanaw haena ha naguul gayed ta madakel tungkay sa mga katigayunan din.

Mateo 27:3

Su matun-an hi Judas ha si Jesus hinukuman en hu kamatayen nakagbasul gayed haena hu paglimbung din. Aman luminikù duun hu mga labaw ha sinaligan hu paghalad daw mga magulang ta iglikù din ngaay haena sa katluan ha salapì

Marcos 10:21

Uminahà si Jesus diyà ta kandin ta agkahid-uwan din haena. Inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Marcos 10:23

Mighelaw-helaw si Jesus daw ikagiyi sa mga tinun-an din, “Malegen tungkay ha maharian hu Dios sa etaw ha sapian.”

Marcos 6:20

tumenged ta si Herodes agkahaldek ki Juan daw pinabantayan din haena ta natun-an din ha matareng si Juan daw suluguen hu Dios. Su mapaliman hi Herodes si Juan nalibeg sa henà-henà din ba agkabayaan din daan tagpalilimani.

Marcos 6:26

Tungkay gayed ngaay naguul su harì, ba tumenged hu panumpà din duun hu atubangan taena ha inimbita din harì din en gayed haena mabalibaran.

Lucas 12:15

Dayun inikagiyan din su mga etaw, “Bantayi nuy ha harì kaw maayat ta sa maayad ha pagtimà harì duun agkapuun hu madakel ha mga butang.”

Lucas 18:23

Su mapaliman ku agalen su inikagi hi Jesus naguul gayed haena ta madakel tungkay sa mga katigayunan din.

2 Corinto 7:10

Sa kaguul ha duun agkapuun hu Dios agkahimu ha iyan pakapahinulsul hu etaw ta daw maluwas. Ba sa kaguul hu etaw ha hurà makakilala hu Dios duun pakapayanaen hu kamatayen.

Efeso 5:5

Siguru gayed ha sa tagbuhat hu mga malaw-ay daw mahugaw daw sa agapan hu mga butang dini ta kalibutan ha bà su agkabuhat en ha diyus dan, saena ha etaw hurà din gayed mapanunud duun hu gingharian hi Cristo daw hu Dios.

2 Timoteo 4:10

Ta inawaan a hi Demas tumenged ta babayaen taena sa kalibutanen ha mga butang aman duminiyà en ta Tesalonica. Si Crescente duminiyà ta prubinsya ta Galacia daw si Tito duminiyà daan ta Dalmacia.