Marcos 10:2 - Lalang Hu Dios

² Amin daan mga Parisiyu ha duminiyà ki Jesus hu pagsulay kandin aman ininsaan dan, “Intugut ba hu Kasuguan taw ha endaan hu maama sa igbahi din?”

Marcos 10:2 ပူးပေါင်းရင်းမြစ်များ

Mateo 15:12

Dayun uminubay diyà ta kandin sa mga tinun-an din hu kagi dan, “Hurà nu ba katun-i ha nangasilag su mga Parisiyu taena ha inikagi nu?”

Mateo 16:1

Amin mga Parisiyu daw Saduceo ha duminiyà ki Jesus hu pagsulay kandin, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Mateo 19:3

Amin daan mga Parisiyu ha duminiyà ki Jesus hu pagsulay kandin aman ininsaan dan, “Intugut ba hu Kasuguan taw ha endaan hu maama sa asawa din bisan ku hurà hinengdan?”

Mateo 22:35

Amin kandan sabuwa ha manunudlù hu Kasuguan ha nanginginsà daan ki Jesus hu pagsulay kandin ha tagyanaen,

Mateo 23:13

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Harì kaw agkabayà ha maharian kaw hu Dios daw saena ha agkabayà ngaay agbaldengen nuy.

Mateo 9:34

Ba sa mga Parisiyu minikagi, “Agkabugaw din sa mga busaw pinaagi hu gahem taena ha agalen hu mga busaw.”

Marcos 10:1

Uminawà diyà si Jesus daw duminayun ta prubinsya ta Judea daw layun ta Jordan. Inamul-amulan dà paman hu madakel ha mga etaw daw tinudluan din sidan sumalà hu naanadan din.

Marcos 10:3

Tuminubag si Jesus, “Inu man sa insugù inyu hi Moises?”

Marcos 8:11

Amin mga Parisiyu ha duminiyà ki Jesus hu pagpakigsawalà kandin ta agsulayen dan haena, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Marcos 8:15

Inikagiyan sidan hi Jesus, “Magbantay kaw hu igpatulin taena ha mga Parisiyu daw hi Herodes.”

Lucas 11:39

Dayun minikagi si Jesus, “Sinyu sa mga Parisiyu, agkailing kaw hu baung daw lampay ha hinenawan sa guwà ba mahugaw sa seled, ta tagtuman kaw gayed hu mga tulumanen ba sa henà-henà nuy madaet ta limbungan daw agapan kaw.

Lucas 16:14

Sa mga Parisiyu ha balimbayaen dan sa salapì bà dà migpatawahà su mapaliman dan haena sa inikagi hi Jesus.

Lucas 5:30

Ba sa mga Parisiyu daw sa mga sakup dan ha manunudlù hu Kasuguan migtamudmud duun hu mga tinun-an hi Jesus ha tagyanaen, “Imbà kaw pakigsalu hu mga limbungan ha mga manunukut hu buhis daw hu mga masinupaken?”

Lucas 6:7

Sa mga manunudlù hu Kasuguan daw sa mga Parisiyu tagpan-ahà hu katarengan ta daw makasumbung dan si Jesus aman binantayan dan ku bulungen din ba haena duun hu Aldaw hu Paghimlay.

Lucas 7:30

Ba sa mga Parisiyu daw sa mga manunudlù hu Kasuguan hurà dan dawata sa katuyuan kandan hu Dios aman hurà daan sidan kabautismuwi su anay hi Juan.

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Juan 11:57

Ba sa mga labaw ha sinaligan hu paghalad daw sa mga Parisiyu daan en mig-ikagi ha ku sin-u sa makatuen ku hindu duun si Jesus kinahanglan gayed ha magsumbung ta agdakepen dan haena.

Juan 7:32

Amin mga Parisiyu ha nakapaliman hu muya-muya mahitenged ki Jesus aman sa mga Parisiyu daw sa mga labaw ha sinaligan hu paghalad migsugù hu mga bantay taena ha Timplu ha dakepen dan si Jesus.

Juan 7:48

Hurà gayed sabuwa ha agalen daw Parisiyu ha tuminuu kandin.

Juan 8:6

Ininsaan dan si Jesus taena hu pagsulay kandin ta daw amin dan katarengan ha ikasumbung dan mahitenged kandin. Ba si Jesus bà dà duminunghuy daw isulat sa tuldù din duun hu aliyabuk.

1 Corinto 10:9

Kinahanglan ha harì taw gayed sulayan sa Dios iling hu binuhat hu duma kandan ta sinilutan sidan daw namamatay pinaagi hu mga bunsalagan ha namangagat.