Lucas 20:35 - Lalang Hu Dios

³⁵ ba saena ha ag-isipen hu Dios ha angayan ha mabanhaw asem daw magtimà diyà ta langit harì en tag-aasawa

Lucas 20:35 ပူးပေါင်းရင်းမြစ်များ

Mateo 12:32

Bisan sin-u haena sa magtameyes kanak siak sa Batà hu Etaw mabaluy pa ha pasayluwen, ba sa magtameyes hu Balaan ha Ispiritu harì en gayed mapasaylu iman daw hangtud hu hurà din katapusan.

Mateo 22:29

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Marcos 10:42

Dayun inamul hi Jesus su mga tinun-an din daw ikagiyi, “Natun-an nuy en ha sa mga agalen hu kenà mga Judio iyan tagbayà hu mga sakup dan daw sa mga sinaligan dan iyan tagsugù hu mga ginsakupan dan.

Marcos 12:24

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Lucas 16:8

“Ba su matun-an haena ku agalen din nakaikagi dayun ha matatau gayed manlimbung su sinaligan din. Ta sa mga etaw ha iyan dan dà taghenhenaen sa mga butang dini ta kalibutan daan en tagpanagana hu kinahanglanen dan asem labaw pa dì hu sumusunud hu Dios.

Lucas 21:36

Aman magbantay kaw gayed daw sigi kaw dà mag-ampù ta daw harì kaw luyahan ku makauma en sa mga hitabù daw harì kaw magayhaan duun hu atubangan ku siak sa Batà hu Etaw.”

Juan 5:29

dayun mangabanhaw sidan. Saena ha migbuhat hu maayad mailahan hu kinabuhì ha hurà din katapusan, ba saena ha migbuhat hu madaet mabanhaw daan ba agkasilutan.

Mga Buhat 24:15

daw tagsalapen ku iman ha sa alan ha namamatay en sa matareng daw sa makasasalà mabanhaw dà hu Dios iling ha iyan daan haini tagsalapen taini ha migsusumbung kanak.

Mga Buhat 5:41

Inawaan su mga labaw ha agalen ku mga apustulis ha malipayen ta naisip sidan ha angayan ha pagagayhaan tumenged ki Jesus.

2 Tesalonica 1:5

Iyan haena timaan ha matareng gayed sa paghukum hu Dios ta tumenged taena mahimu kaw ha angayan ha tagharian hu Dios.

Hebreo 11:35

Amin daan mamamatay ha mga batà ha impalikù dà duun hu mga inay dan ta nabanhaw. Ba sa duma hurà endà hu pagtuu dan aman pigpasipalahan sidan taman ha mangamatay, ta natun-an dan ha ku mabanhaw sidan tungkay pa gayed maayad sa kahimtang dan.

Impadayag 3:4

Amin daan inyu diyan ta Sardis ha hurà kahugawi sa bisti dan. Iyan sidan angayan ha dumuma kanak sa mga maputì sa bisti dan.