Judas 1:3 - Lalang Hu Dios

³ Pinalanggà ku ha mga suled, agsulatan ku inyu mahitenged ngaay hu pagluwas kanuy hu Dios ba nahenhenaan ku ha iyan gayed isulat ku diyan ta inyu sa paghangyù ha sukulan nuy sa mga etaw ha ag-ilisan dan sa kamatuuran ha intudlù en duun hu alan ha mga etaw hu Dios, ta harì en gayed haena maisaban.

Judas 1:3 ပူးပေါင်းရင်းမြစ်များ

Mga Buhat 18:28

ta pinaagi hu insulat ha lalang hu Dios napamatud-an ha si Jesus iyan su Misiyas. Aman nadaeg din sa mga Judio ha nakigsawalà kandin duun hu atubangan hu mga etaw.

Mga Buhat 20:27

ta intudlù kud en inyu sa alan ha agkabayaan hu Dios.

Mga Buhat 28:28

“Aman agkabayaan ku ha matun-an nuy ha sa tultulanen hu pagluwas kanuy hu Dios insangyaw daan duun hu kenà mga Judio ta palilimanan dan gayed haena.”

Mga Buhat 4:12

Iyan dà si Jesus makaluwas hu kaet-etawan ta hurà en gayed lain ha Manluluwas ha sinugù hu Dios dini ta kalibutan.”

Mga Buhat 6:7

Aman nakalekep sa lalang hu Dios daw migdakel gayed sa mga tumutuu diyà ta Jerusalem daw madakel daan sa mga sinaligan hu paghalad ha tuminuu ki Jesus.

Mga Buhat 9:13

Ba si Ananias tuminubag, “Ginuu, napaliman kud en duun hu madakel ha mga etaw sa madaet ha tultul mahitenged kandin ta pigpasipalahan din sa mga tuminuu ikaw diyà ta Jerusalem.

Mga Buhat 9:22

Ba duun taena mig-iseg sa gahem hu pagtudlù hi Saulo aman sa katarengan din ha si Jesus iyan su Misiyas harì gayed agkatubag hu mga Judio ha tagtimà diyà ta Damasco.

1 Corinto 15:3

Sa intudlù ku inyu ha mahinengdanen gayed iyan sa intudlù daan kanak hu Dios ha si Cristo migpakamatay tumenged hu mga salà taw sumalà hu insulat ha lalang hu Dios

Galacia 2:5

Ba hurà kay gayed padaeg kandan hu bisan atiyuay ta daw magpabilin diyan ta inyu sa kamatuuran mahitenged hu Maayad ha Tultulanen.

Galacia 3:28

Iman hurà en kalainan hu mga Judio daw hu kenà mga Judio, sa mga ulipen daw sa kenà, sa mga maama daw sa mga bahi, tumenged ta sabuwa kaw dà pinaagi hu pagpakigsabuwa nuy ki Cristo Jesus.

Galacia 6:11

Ahaa nuy haini ta adagi sa kasulata ku duun, ta iyan ad en gayed si Pablo sa migsulat taini.

Efeso 1:1

Iyan a si Pablo sa pinilì hu Dios ha apustul hi Cristo Jesus sa migsulat taini. Sinulatan ku inyu sa mga etaw hu Dios diyan ta Efeso ha mga matinumanen ki Cristo Jesus.

Filipos 1:1

Iyan a si Pablo sa migsulat taini duma ki Timoteo sa mga suluguen hi Cristo Jesus. Sinulatan day inyu sa mga etaw hu Dios pinaagi hu pagpakigsabuwa nuy ki Cristo Jesus diyan ta Filipos daw sa mga agalen nuy daw sa mga diyakunu.

Filipos 1:27

Ba kinahanglan ha sa pamatasan nuy angayan gayed hu Maayad ha Tultulanen mahitenged ki Cristo ta daw ku makadiyan a daw ku harì, mapaliman ku ha malig-en gayed sa pagtuu nuy ta nasabuwa kaw ha madasigen duun hu paglaban hu Maayad ha Tultulanen

Colosas 1:2

Sinulatan day inyu sa mga etaw hu Dios diyan ta Colosas ha mga matinumanen ha suled day tumenged hu pagpakigsabuwa taw ki Cristo. Sa Dios ha Amay taw mag-ila inyu hu grasya daw kalinaw.

1 Tesalonica 2:2

Natun-an nuy en ku inu sa pag-antus day hu mga pasipala daw sa pagpagagayhai kanay diyà ta Filipos. Ba sa Dios iyan migbulig kanay aman hurà kay kahaldek pagsangyaw diyan ta inyu hu Maayad ha Tultulanen ha diyà ta kandin napuun bisan ku madakel sa migsupak kanay.

1 Timoteo 1:18

Sikaw Timoteo sa batà ku, ag-ikagiyen ku dà ikaw su impanugun hu migsaysay hu impaikagi kandan hu Dios ta daw pinaagi hu pagtuman nu taini makapaniguru ka duun hu pagtuu isip buutan ha sundalu hi Cristo Jesus.

1 Timoteo 6:12

Maniguru ka gayed duun hu pagtuu isip ha buutan ha sundalu daw siguruwan nu sa kinabuhì ha hurà din katapusan ta hinimu ka hu Dios ha tumutuu ta daw mailahan ka taena daw madakel daan sa mga tistigus su ikagiyen sa pagtuu nu diyà ki Cristo Jesus.

2 Timoteo 1:13

Magpabilin ka gayed duun hu kamatuuran ha napaliman nu dini ta kanak daw pinaagi ki Cristo Jesus paniguruwi sa pagtuu nu kandin daw sa pagpalanggà nu hu duma.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

Hebreo 13:22

Mga suled, aghangyuen ku gayed inyu ha magpailub kaw taini ha salambagan ku ta saini ha sulat ku mababà dà.

Hebreo 6:9

Minahal ku ha mga suled, bisan pa ku iyan haini inikagi day inyu ba nasiguru day ha maayad gayed sa mapayanan-an nuy ta mapuslanen gayed sa pagluwas hu Dios inyu.

1 Pedro 5:12

Si Silas sa kasaligan ha suled ku migbulig kanak hu pagsulat taini ta daw madasig ku inyu duun hu pagtuu daw matun-an nuy ha iyan haini laus ha grasya hu Dios. Aman paniguruwan nuy haini.

2 Pedro 1:1

Iyan a si Simon Pedro ha suluguen daw apustul hi Cristo Jesus sa migsulat taini. Sinulatan ku inyu sa amin din pagtuu ha iling kamahal hu kanay ha pagtuu pinaagi ki Cristo Jesus sa matareng ha Dios daw Manluluwas taw.

2 Pedro 2:21

Maayad pa ngaay ku hurà dan en bul-ug katun-i sa pagkamatareng dì sa natun-an dan haena ba insalikway dan dà sa kasuguan ha napaliman dan.

Judas 1:1

Iyan a si Judas ha suled hi Santiago daw suluguen daan hi Cristo Jesus, sa migsulat taini. Sinulatan ku inyu sinyu sa hinimu ha tumutuu hu Dios sa Amay taw. Pinalanggà kaw kandin daw binantayan kaw daan hi Cristo Jesus.

Judas 1:17

Pinalanggà ku ha mga suled, harì nuy gayed aglipati sa inikagi inyu hu mga apustulis ha sinugù hi Cristo Jesus ha Ginuu taw

Judas 1:20

Ba sinyu sa pinalanggà ku ha mga suled, paniguruwi nuy sa pagbinuligà nuy ta daw malig-en sa pagtuu nuy daw mag-ampù kaw pinaagi hu Balaan ha Ispiritu.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 2:10

Harì kaw gayed mahaldek hu malegen ha ipaantus inyu hu harì en malugay ta ipaprisu hi Satanas sa duma inyu ta daw masulayan sa pagtuu nuy, daw malegen gayed sa alantusen duun hu sampulù ha aldaw. Magmatinumanen kaw gayed kanak bisan duun hu kamatayen ta ag-ilahan ku inyu kinabuhì ha hurà din katapusan ha iyan bales inyu hu pagpakadaeg nuy.