Judas 1:12 - Lalang Hu Dios

¹² Saini sidan ku pakaamul inyu duun hu pagkaen pinakagalugayhà gayed sa buhat dan ta iyan dan dà tag-agpasen sa kandan ha agkabayaan. Iling sidan hu gabun ha harì ig-udan ha bà dà tagkauwit-uwit hu kalamag. Iling daan sidan hu kayu ha bisan ku tingpamunga en ngaay ba hurà pamunga ta napilay daw nagangu en.

Judas 1:12 ပူးပေါင်းရင်းမြစ်များ

Mateo 13:6

ba su sildahan hu tungkay mapasù sagunà dà haena nangagangu ta hurà man panggamut.

Mateo 15:13

Ba si Jesus tuminubag, “Aghilamunen sa agtubù ha hurà ipamula hu Dios ha Amay ku.

Marcos 4:6

ba su sildahan hu tungkay mapasù sagunà dà haena nangagangu ta hurà man panggamut.

Lucas 12:45

Ba ku madaet sa suluguen iyan dà henà-henà din sa, ‘Malugay pa ag-ulì su agalen ku,’ aman bà din dà paman agpamunali sa mga duma din ha mga suluguen sa mga maama daw sa mga bahi. Bà dà daan magkaenà daw magpasibelengà.

Lucas 16:19

“Amin etaw ha sapian tungkay ha migpinaksuy hu tungkay mahalen daw aldaw-aldaw hayahay gayed sa pagtimà din.

Lucas 21:34

“Magbantay kaw gayed ha harì kaw bà dà kasamuk hu pagtimà nuy duun taini ha kalibutan daw harì kaw bà dà magpasibelengà ta tigkan makauma sa Aldaw hu Paghukum iling hu lit-ag.

Lucas 8:6

Amin daan binhì ha duun dà nakatanà hu batuwen. Su tumubù haena sagunà dà nangagangu ta mamada sa bugtà duun.

Efeso 4:14

Harì kuy en mailing hu mga batà ha tagkahalin-halin sa pagtuu dan pinaagi hu pagpaliliman dan hu harì tag-iling ha katudluanan hu mga etaw ha limbungan gayed.

Filipos 3:19

Ba sa mapayanan-an taena ha mga etaw iyan sa silutan gayed sidan, ta sa diyus dan iyan dà sa kandan ha agkabayaan daw sa igkagayhà dan ngaay tigpasigalbu dan. Sa taghenhenaen dan iyan dà gayed sa kalibutanen ha mga butang.

1 Timoteo 5:6

Ba saena ha tagpateyeng hu kalibutanen ha kalipayan minatay en bisan ku bubuhay pa ngaay.

Hebreo 13:9

Harì kaw magpalimbung hu migkalain-lain ha katudluanan. Sa makapadasig kanuy iyan dà gayed sa grasya hu Dios kenà pinaagi hu harì pagkaen hu mga kalan-enen, ta sa pagtuman taena harì daan makapaayad kanuy.

Santiago 5:5

Iman sa pagtimà nuy duun taini ha kalibutan hayahay gayed daw ben tagpateyeng kaw en hu kalipayan, iling dà hu babuy ha impalambù ha intagana hu aldaw ha ag-iyawen haena.