Impadayag 9:20 - Lalang Hu Dios

²⁰ Ba sa mga etaw ha hurà patay pinaagi taena ha pasipala hurà dan gayed endai sa pagsimba hu mga busaw daw hu mga diyus-diyus ha binuhat dan hu bulawan, salapì, tumbaga, batu daw mga kayu, saena harì pakaindan, harì pakapaliman daw harì daan pakahipanaw.

Impadayag 9:20 ပူးပေါင်းရင်းမြစ်များ

Mateo 21:32

Ta nakadini si Juan Ha Tagpamautismu hu pagpaahà inyu hu paagi ha mabuhat kaw ha matareng ba hurà nuy tuuwi. Ba saena ha mga limbungan daw sa madaet ha mga bahi tuminuu kandin. Bisan su maahà nuy en ha namanuu sidan ba hurà kaw gihapun tuu daw hurà kaw daan maghinulsul hu mga salà nuy.

Mga Buhat 17:29

“Tumenged ta batà kuy hu Dios harì taw henhenaen ha sa Dios iling dà hu diyus-diyus ha bulawan daw salapì daw batu ha binuhat hu mga matatau ha etaw.

Mga Buhat 19:26

Ba agkatun-an nuy en daan ha madakel en ha mga etaw sa nakabig hi Pablo dini ta Efeso daw apit en pakalekep duun hu mga banuwa ha sakup ta Asia tumenged ta tigtudlù din ha sa diyus-diyus ha binuhat hu etaw kenà laus ha Dios.

Mga Buhat 7:41

Duun taena migbuhat sidan hu diyus-diyus ha agkailing hu nati hu baka. Dayun duun sidan mighalad daw tumenged taena ha binuhat dan migsaulug sidan.

2 Corinto 12:21

Agkasamuk a daan ha ku makadiyan a bà a dà kagayhà duun hu Dios mahitenged inyu daw maguul a daan tumenged ta madakel pa inyu sa hurà pa gayed maghinulsul hu mga malaw-ay ha buhat dan daw hu pinakagalugayhà ha mga batasan dan.

1 Timoteo 4:1

Sa Balaan ha Ispiritu tag-ikagi, duun hu hudiyan ha panahun amin gayed umendà duun hu pagtuu daw sumunud hu tinumanan hu mga limbungan ha tinaguan hu mga busaw.

Impadayag 15:1

Naahà ku diyà ta langit sa lain en paman ha belenganen ha timaan. Amin pitu ha balinsuguen hu Dios, sa kada sabuwa kandan tag-uwit hu pinakahaluhaldek ha mga alantusen hu etaw. Ku matapus haena mapengahan human sa pagsilut hu Dios hu kaet-etawan dini ta kalibutan.

Impadayag 16:8

Su ikaepat ha balinsuguen hu Dios hinudhud din daan su kandin ha yahung duun hu aldaw aman sa kapasù taena ha aldaw nakasunug hu etaw.

Impadayag 9:19

Sa igpasipala taena ha mga kabayu iyan sa bàbà daw sa mga ikug dan. Sa ikug dan iling hu bunsalagan ha agpamanengkà hu etaw.

Impadayag 9:21

Daw sa mga etaw hurà dan daan hinulsuli sa pagkatalamunù daw sa pagkabarangan dan, sa paghimu hu malaw-ay daw sa pagpanakaw dan.