Impadayag 8:1 - Lalang Hu Dios

¹ Su maawà en hu Nati ha Karniru sa ikapitu ha timaan taena ha balasahen ben kahagteng en sa kalangitan hu mababà ha panahun.

Impadayag 8:1 ပူးပေါင်းရင်းမြစ်များ

Mateo 27:66

Aman inelegan dan haena sa lebeng daw lig-eni pinaagi hu pag-ugsak hu timaan duun ku batu daw pinabantayan hu mga sundalu.

Impadayag 5:1

Su tagpinuu duun hu trunu naahà ku diyà ta kawanan ha alima din sa linulun ha balasahen ha sinulatan sa masigdibaluyà din daw amin daan duun pitu ha timaan ha impadeket ta daw harì mapuwaan.

Impadayag 5:9

Migkanta daan sidan hu bag-u ha kalantahen ha tagyanaen, “Iyan ka dà gayed angayan hu pagtimù ku linulun ha balasahen daw pag-awà taena ha impadeket duun ha timaan ta hinimatayan ka daw pinaagi hu langesa nu binawì nu sa mga etaw para hu Dios. Saena ha mga etaw duun napuun hu migkalain-lain ha kaliwatan, mga nasud daw hu alan ha mga inikagiyan.

Impadayag 6:1

Tag-ahaen ku su awaen hu Nati ha Karniru sa una ha timaan ku balasahen. Dayun napaliman ku sa sabuwa duun ku haepat ha tinanghagà ha sa lageng din bà su dagsang ha tagyanaen, “Guwà ka duun tayan.”

Impadayag 6:12

Tag-ahaen ku su awaen taena ha Nati ha Karniru sa ikaenem ha timaan ku balasahen. Sagunà miglinug hu tungkay makeseg daw suminukilem sa aldaw, migligà sa bulan iling hu langesa

Impadayag 6:3

Su maawà en hu Nati ha Karniru sa ikaduwa ha timaan taena ha balasahen napaliman ku su ikaduwa ha tinanghagà ha tagyanaen, “Guwà ka duun tayan.”

Impadayag 6:5

Su maawà hu Nati ha Karniru sa ikatulu ha timaan ku balasahen napaliman ku su ikatulu ha tinanghagà ha tagyanaen, “Guwà ka duun tayan.” Sagunà nakahiwal sa maitem ha kabayu ha sa taglulan duun tagbalabad hu timbangan.

Impadayag 6:7

Su maawà en hu Nati ha Karniru sa ikaepat ha timaan taena ha balasahen napaliman ku sa lageng ku ikaepat ha tinanghagà ha tagyanaen, “Guwà ka duun tayan.”

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.