Impadayag 7:17 - Lalang Hu Dios

¹⁷ ta sa Nati ha Karniru duun hu taliwarà ku trunu iyan magbalantay daw iyan daan panulù dan duun ku mga tuburan ha tag-ila hu kinabuhì ha hurà din katapusan. Daw pahiran hu Dios sa alan ha mga pakapaguul kandan.”

Impadayag 7:17 ပူးပေါင်းရင်းမြစ်များ

Mateo 2:6

‘Sinyu sa mga taga-Bethlehem ha sakup ta Judea, mabantug gayed sa banuwa nuy labaw hu alan ha mga banuwa diyan, ta sa magharì hu mga etaw ku ha mga kaliwatan hi Israel diyan ta inyu agkapuun.’”

Mateo 5:4

“Malipayen gayed sa tagmagul-anen tumenged hu mga salà dan ta aglipayen sidan hu Dios.

Juan 10:11

“Iyan a maayad ha magbalantay hu mga karniru. Sa maayad ha magbalantay andam en bisan ku matay tumenged hu mga karniru din.

Juan 10:14

“Iyan a gayed maayad ha magbalantay hu mga karniru. Nakilala ku sa kanak ha mga karniru daw nakilala a daan kandan

Juan 4:10

Ba tuminubag si Jesus, “Ku natun-an nu pa ngaay sa pakaila hu Dios daw ku sin-u a sa tagpanayù diyan ta ikaw hu wahig, iyan ka pa ngaay manayù dini ta kanak daw ilahan ku pa ikaw hu wahig ha makaila hu kinabuhì.”

Juan 4:11

Minikagi haena sa bahi, “Hurà nu igsaluk daw madalem haini sa atabay. Hindu ka man makatimù hu wahig ha pakaila hu kinabuhì?

Juan 4:14

ba saena ha uminum hu wahig ha ig-ila ku harì en gayed malauwan. Ta sa wahig ha ig-ila ku iyan mahimu ha tuburan ha makaila kandin hu kinabuhì ha hurà din katapusan.”

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

1 Pedro 5:2

alimahan nuy gayed sa mga tumutuu ha insalig inyu hu Dios iling hu magbalantay ha tag-alima hu mga karniru din. Sa pagtanul nuy kandan kenà pineges ba inyu ha pagbayà ha iyan agkabayà-bayaan hu Dios, kenà daan tumenged hu kabayà nuy hu suhul ba tumenged ta agkabayà kaw agbulig,

Impadayag 14:4

Saena mga maama ha himpit ta hurà gayed makasalà duun hu bahi. Sigi dà sidan taglupug taena ha Nati ha Karniru bisan hindu duun agpayanaen. Duun hu alan ha kaet-etawan iyan sidan linuwas iling hu lagunen ha inhalad duun hu Dios daw duun hu Nati ha Karniru.

Impadayag 21:22

Hurà ku naahà duun ha Timplu ta sa Dios ha gamhanan daw Magbabayà hu alan daw sa Nati ha Karniru iyan en tagsimbahen duun.

Impadayag 21:23

Hurà en daan kinahanglana sa aldaw daw sa bulan ta sa anlag hu Dios daw su Nati ha Karniru iyan en sulù ha pakailaw duun taena.

Impadayag 21:4

Awaen hu Dios sa alan ha pakapaguul ta hurà en duun kamatayen, kalugul, pag-agalà daw kasakitan ta saena nangahanaw en.”

Impadayag 21:6

“Natuman en iman sa alan. Iyan a puunaan daw iyan a daan katapusan hu alan. Bisan sin-u sa agkalauwan igpainum ku duun ku tuburan ha tag-ila hu kinabuhì ha hurà din bayad.

Impadayag 22:1

Dayun impaahà daan kanak ku balinsuguen hu Dios sa wahig ha tag-ila hu kinabuhì. Saena tagsinlang ha agkailing hu salamin daw duun agkapuun ku trunu hu Dios daw hu Nati ha Karniru

Impadayag 4:11

“Dios ha Magbabayà day, gamhanan ka gayed ta iyan ka migtanghagà hu alan daw pinaagi ikaw nahimu sa alan ha amin din kinabuhì. Aman angayan ka gayed ha dayeen daw tahuren.”

Impadayag 5:6

Dayun naahà ku sa Nati ha Karniru ha duun tagtiyadeg hu taliwarà taena ha trunu daw linibutan ku haepat ha tinanghagà daw ku mga magulang. Saini ha Karniru amin din mga palì ha bà su hinimatayan su anay. Sa sungay din pitu ha buuk daw pitu daan sa mata din ha iyan sa pitu ha paagi ha makapadayag sa pagkagamhanan hu Balaan ha Ispiritu ha sinugù hu Dios dini ta tibuuk ha kalibutan.