Impadayag 7:15 - Lalang Hu Dios

¹⁵ Aman duun sidan tagtiyadeg iman hu atubangan hu trunu hu Dios daw tag-alagad sidan kandin duun hu Timplu aldaw daw ku daleman, daw sa Dios ha duun tagpinuu hu trunu iyan bantay dan.

Impadayag 7:15 ပူးပေါင်းရင်းမြစ်များ

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

1 Corinto 3:16

Hurà nuy ba diay katun-i ha iyan kaw timplu hu Dios daw sa Balaan ha Ispiritu ha sinugù din didiyan ta inyu? Aman ku amin etaw ha magdaet taini ha balaan ha timplu silutan gayed haena.

2 Corinto 6:16

Harì gayed daan mabaluy ha ipag-amulà sa timplu hu Dios daw sa mga diyus-diyus. Sikuy sa mga tumutuu iyan kuy timplu ha tagtimaan hu Dios ha bubuhay ta sa lalang hu Dios tagyanaen, “Magtimà a diyà ta kandan daw iyan a mabuhat ha Dios dan daw mabuhat daan sidan ha mga etaw ku.”

Hebreo 12:2

Iyan taw dà gayed saligan si Jesus sa puunaan daw sa igkahimpit hu pagtuu taw, ta inantus din sa kalansanga kandin duun hu krus daw hurà gayed kagayhà taena tumenged hu kalipay din ku maiwas en haena. Iman duun tagpinuu hu kawanan hu Dios.

Hebreo 8:1

Sa kahulugan hu tag-ikagiyen day inyu iyan sa amin taw en iman tungkay labaw ha sinaligan hu paghalad ha duun tagpinuu hu kawanan hu Dios ha gamhanan diyà ta langit.

Impadayag 11:19

Dayun napuwaan haena sa Timplu hu Dios diyà ta langit daw naahà diyà ta seled sa kahun ha tinaguan hu mga timaan taena ha daan ha kasabutan hu Dios daw hu mga etaw. Nasalasab sa kilat, migdaheneg sa lugung daw mga dagsang, miglinug hu mabis-ay daw uminudan hu mga giyaw.

Impadayag 13:6

Pigpasipalahan din sa Dios daw sa langit daw sa alan ha tagtimà diyà ta langit.

Impadayag 20:10

Dayun si Satanas sa iyan miglimbung kandan iglambeg duun ku tagkalegdeg ha linaw ha asupri ha duun daan inlambeg su mananap daw su biduen ha prupita. Diyà sidan mag-antus hu mga kasakitan aldaw daw ku daleman hu hurà din en gayed katapusan.

Impadayag 21:22

Hurà ku naahà duun ha Timplu ta sa Dios ha gamhanan daw Magbabayà hu alan daw sa Nati ha Karniru iyan en tagsimbahen duun.

Impadayag 22:3

Sa intungayaw hu Dios hurà en daan duun taena ha banuwa ta duun taena sa trunu hu Dios daw hu Nati ha Karniru. Sa mga suluguen din magsimba kandin.

Impadayag 22:5

Hurà en duun daleman daw hurà en kinahanglana sa siga hu aldaw ta iyan en sulù sa Dios daw Magbabayà hu alan. Daw magharì daan sidan hu hinangturan.

Impadayag 4:4

Nakalibut duun taena ha trunu sa kaluwaan daw haepat ha trunu ha duun daan tagpinuu sa kaluwaan daw haepat ha mga magulang. Sa pinaksuy dan pulus maputì daw sa ulu dan sinuupan hu kuruna ha bulawan.

Impadayag 4:8

Saena ha haepat ha tinanghagà tighaenem sa mga pakpak dan ha nalekep daan hu mga mata. Aldaw daw ku daleman iyan dà buhat dan sa pagkanta hu harì agkapangkus ha tagyanaen, “Balaan gayed sa Dios ha gamhanan daw Magbabayà hu alan. Duduun en su hurà pa tanghagaa sa bisan inu daw duduun pa iman daw hangtud hu hurà din katapusan.”

Impadayag 4:9

Su haepat ha tinanghagà sigi dà tagkanta duun hu Dios ha bubuhay hu hinangturan ha tagpinuu duun hu trunu ta daw madayè, matahud daw mapasalamatan dan. Kada buhaten dan haena

Impadayag 7:9

Su maiwas en haena naahà ku sa mga etaw ha harì tad en gayed agkaiyap ha duun nangapuun hu migkalain-lain ha kaliwatan daw mga nasud daw hu alan ha mga inikagiyan. Duun sidan tagtiyadeg hu atubangan taena ha trunu daw hu atubangan hu Nati ha Karniru. Saena sidan migpinaksuy hu maputì daw tagbalabad hu mga palwa