Impadayag 6:12 - Lalang Hu Dios

¹² Tag-ahaen ku su awaen taena ha Nati ha Karniru sa ikaenem ha timaan ku balasahen. Sagunà miglinug hu tungkay makeseg daw suminukilem sa aldaw, migligà sa bulan iling hu langesa

Impadayag 6:12 ပူးပေါင်းရင်းမြစ်များ

Mateo 11:21

“Sinyu sa taga-Chorazin daw taga-Bethsaida, kahid-u nuy gayed ta sa mga belenganen ha binuhat ku diyan ta inyu, ku naahà pa ngaay hu kenà mga Judio diyà ta Tiro daw ta Sidon maghinulsul gayed sidan daw magbasul hu mga salà dan.

Mateo 24:29

“Ku maiwas en haena sa pinakahaluhaldek ha kasamukan sagunà sumukilem sa aldaw daw harì en daan umanlag sa bulan, mangahulug daan sa mga bituen ta agkahuyung sa kalangitan.

Mateo 24:7

Ta magsasabà sa mga nasud daw sa mga ginharian, makauma sa kauhul daw maglinug daan duun hu migkalain-lain ha lugar.

Mateo 27:45

Su maugtu en sa aldaw suminukilem sa tibuuk ha kalibutan hu tatulu ha uras.

Mateo 27:54

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Mateo 28:2

Tigkan miglinug hu tungkay mabis-ay ta amin migbulus ha balinsuguen hu Dios ha mig-awà ku batu ha in-ipel ku lebeng hi Jesus daw pinuu duun.

Marcos 15:33

Su maugtu en sa aldaw suminukilem sa tibuuk ha kalibutan hu tatulu ha uras.

Impadayag 11:13

Sagunà miglinug hu mabis-ay tungkay daw nangadaet sa ikasampulù ha bahin hu mga balay duun taena ha banuwa. Pitu ha libu sa namamatay. Sa hurà patay duun taena tungkay gayed nahaldek aman dinayè dan sa pagkagamhanan hu Dios diyà ta langit.

Impadayag 16:18

Sagunà nasalasab sa kilat, migdaheneg sa lugung, daw dagsang miglinug daan hu tungkay gayed mabis-ay. Hurà pa linug ha iling taena kabis-ay sugud dà su tanghagaen sa kalibutan.

Impadayag 16:8

Su ikaepat ha balinsuguen hu Dios hinudhud din daan su kandin ha yahung duun hu aldaw aman sa kapasù taena ha aldaw nakasunug hu etaw.

Impadayag 8:12

Su ikaepat ha balinsuguen hiniyup din sa kandin ha trumpita. Dayun napedengan sa ikatulu ha bahin hu siga hu aldaw, bulan daw hu mga bituen aman suminukilem sa ikatulu ha bahin hu daleman daw hu aldaw.

Impadayag 8:5

Dayun su balinsuguen pinunù din haena sa yahung hu mga baga ha napuun duun ku halaran daw ilambeg diyà ta kalibutan. Sagunà duminaheneg sa lugung daw dagsang, nasalasab sa kilat daw miglinug daan hu makeseg.