Impadayag 5:11 - Lalang Hu Dios

¹¹ Dayun uminahà a dà daw napaliman ku sa kanta hu mga balinsuguen hu Dios ha ben libu-libuwen en sa kadakelen dan. Saena sidan nakalibut duun taena ha trunu daw duun ku haepat ha tinanghagà daw ku mga magulang,

Impadayag 5:11 ပူးပေါင်းရင်းမြစ်များ

Hebreo 12:22

Ba sinyu makaubay kaw duun hu Bubungan ta Zion daw duun hu banuwa hu Dios ha bubuhay ha iyan sa Bag-u ha Jerusalem diyà ta langit ha duun naamul-amul sa harì maiyap ha balinsuguen hu Dios ha malipayen gayed.

Judas 1:14

Si Enoc sa ikapitu ha kaliwatan hi Adan daan din en haini inikagi su anay mahitenged taini ha mga etaw hu kagi din, “Agdini gayed sa Ginuu duma hu libu-libuwen ha mga balinsuguen din

Impadayag 19:6

Dayun napaliman ku sa iling hu mga etaw ha tungkay magulub daw iling hu dagulus hu kahulugan daw iling hu dagsang ha tagkulahì ha tagyanaen, “Dayeen sa Dios ha gamhanan daw Magbabayà hu alan ta iyan en tagharì.

Impadayag 4:4

Nakalibut duun taena ha trunu sa kaluwaan daw haepat ha trunu ha duun daan tagpinuu sa kaluwaan daw haepat ha mga magulang. Sa pinaksuy dan pulus maputì daw sa ulu dan sinuupan hu kuruna ha bulawan.

Impadayag 4:6

Daw naahà ku daan duun taena sa dagat ha ben kating-aw en iling hu salamin. Duun hu taliwarà taena ha trunu amin duun haepat ha tinanghagà ha nalekep hu mga mata sa lawa dan.

Impadayag 5:14

Su haepat ha tinanghagà tuminubag, “Matuman gayed haini” dayun saena ha mga magulang, namanluhud hu pagsimba.

Impadayag 5:6

Dayun naahà ku sa Nati ha Karniru ha duun tagtiyadeg hu taliwarà taena ha trunu daw linibutan ku haepat ha tinanghagà daw ku mga magulang. Saini ha Karniru amin din mga palì ha bà su hinimatayan su anay. Sa sungay din pitu ha buuk daw pitu daan sa mata din ha iyan sa pitu ha paagi ha makapadayag sa pagkagamhanan hu Balaan ha Ispiritu ha sinugù hu Dios dini ta tibuuk ha kalibutan.

Impadayag 5:8

Su timuen din haena namanluhud daan su haepat ha tinanghagà su kaluwaan daw haepat ha mga magulang, duun hu atubangan taena ha Nati ha Karniru. Kada sabuwa kandan tagbalabad hu arpa daw yahung ha bulawan ha napunù hu insinsu ha tagsunugen ta iyan haini pag-ampù hu mga etaw hu Dios.

Impadayag 7:11

Sa alan ha mga balinsuguen hu Dios ha nangakalibut duun ku trunu ha duun daan sa mga magulang, daw su haepat ha tinanghagà namanluhud hu pagsimba hu Dios

Impadayag 9:16

Inikagiyan a hu kadakelen taena ha mga sundalu ha taglulan duun hu mga kabayu, saena mga daruwa gatus ha libu.