Impadayag 4:8 - Lalang Hu Dios

⁸ Saena ha haepat ha tinanghagà tighaenem sa mga pakpak dan ha nalekep daan hu mga mata. Aldaw daw ku daleman iyan dà buhat dan sa pagkanta hu harì agkapangkus ha tagyanaen, “Balaan gayed sa Dios ha gamhanan daw Magbabayà hu alan. Duduun en su hurà pa tanghagaa sa bisan inu daw duduun pa iman daw hangtud hu hurà din katapusan.”

Impadayag 4:8 ပူးပေါင်းရင်းမြစ်များ

Mga Buhat 20:31

Aman magbantay kaw gayed daw timan-i nuy ha aldaw daw ku daleman duun hu tatulu ha tuig sinambagan ku inyu daw inagalaan ku gayed inyu.

2 Corinto 6:18

Mabuhat a ha Amay nuy daw mabuhat kaw daan ha mga batà ku. Iyan haini inikagi hu Dios ha gamhanan daw Magbabayà hu alan.”

1 Tesalonica 2:9

Mga suled, henhenaa nuy ha su magsangyaw kay hu Maayad ha Tultulanen mahitenged ki Cristo diyan ta inyu naniguru kay gayed hu pagtrabahu ta daw harì kaw masamukan hu mga kinahanglanen day.

1 Timoteo 4:16

Mag-andam ka gayed duun hu mga buhat daw duun hu pagtudlù ta ku buhaten nu haini kenà ka iyan dà maluwas ba madakel pa gayed sa maluwas pinaagi hu pagpaliliman dan ikaw.

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Hebreo 13:8

Si Cristo Jesus harì agkabalhin sugud dà su anay iman daw duun hu hurà din katapusan.

Impadayag 1:4

Iyan a si Juan sa migsulat taini. Sinulatan ku inyu sa pitu ha iglisia hu tagkaamul-amul ha mga tumutuu diyan ta prubinsya ta Asia. Sa Dios daw sa Balaan ha Ispiritu daw si Cristo Jesus mag-ila inyu hu grasya daw kalinaw. Sa Dios duduun en su hurà pa tanghagaa sa bisan inu daw duduun pa iman hangtud hu hurà din katapusan. Daw duun hu atubangan taena ha trunu hu Dios sa Balaan ha Ispiritu tagpadayag hu pagkagamhanan din duun hu pitu ha paagi. Si Cristo Jesus agkasaligan gayed sa mga lalang din daw iyan nauna ha nabanhaw ha hurà en isab patay daw tagharian din daan sa mga harì dini ta kalibutan. Pinalanggà kuy kandin daw pinaagi hu langesa din pinamalas din sa mga salà taw

Impadayag 1:8

Sa Dios ha gamhanan daw Magbabayà hu alan ha duduun en su hurà pa tanghagaa sa bisan inu daw duduun pa iman daw hangtud hu hurà din katapusan tagyanaen, “Iyan a puunaan daw iyan a daan katapusan hu alan.”

Impadayag 11:17

ha tagyanaen, “Sikaw sa Dios ha gamhanan daw Magbabayà hu alan ha duduun en su hurà pa tanghagaa sa bisan inu daw duduun pa iman, tagpasalamatan day ikaw hu pagpaahà nu hu gahem nu ta tagsugud kad en hu pagharì nu.

Impadayag 14:11

Su hapuy ha igsilut kandan tagkalegdeg ha harì en gayed agkapedengan. Aldaw daw ku daleman harì sidan makahimlay hu kasakitan tumenged ta sinimba dan haena sa mananap daw sa larawan din daw nasulatan sidan hu ngaran taena ha mananap.”

Impadayag 14:3

Su 144 ha libu ha linuwas duun tagtiyadeg hu atubangan taena ha trunu hu Dios daw ku haepat ha tinanghagà daw taena ha mga magulang. Kinanta dan sa bag-u ha kanta ha iyan dà sidan pakatuen duun.

Impadayag 15:3

daw tagkanta sidan hu mga kalantahen taena ha suluguen hu Dios ha si Moises daw hu Nati ha Karniru ha tagyanaen, “Sikaw sa Dios ha gamhanan daw Magbabayà hu alan, gamhanan gayed daw belenganen sa alan ha mga buhat nu. Iyan ka Harì hu alan ha kaet-etawan daw matareng daw kamatuuran sa alan ha mga buhat nu.

Impadayag 15:7

Dayun sa sabuwa ku haepat ha tinanghagà mig-ila diyà ta kandan hu pitu ha yahung ha pulus bulawan ha tinaguan hu kapauk hu Dios ha bubuhay hu hinangturan.

Impadayag 16:14

Saena ha mga busaw agkahimu dan sa pagpaahà hu mga belenganen daw sinaligan sidan hu pag-amul-amul hu alan ha mga harì daw kasundaluwan dan dini ta tibuuk ha kalibutan ta daw sabaen dan sa gamhanan ha Dios, ta iyan haena inandam ha aldaw hu adagi ha gira.

Impadayag 16:7

Dayun napaliman ku sa lageng duun ku halaran ha tagyanaen, “Sikaw sa Dios ha gamhanan daw Magbabayà hu alan, kasaligan daw matareng gayed sa paghukum nu hu kaet-etawan.”

Impadayag 19:15

Saena ha taglupugen din taghiwal diyà ta bàbà din sa tungkay magalang ha ispada ha iyan aggamiten din hu pagdaeg taena ha kaet-etawan. Sa pagharì din malig-en gayed ta hurà en bul-ug makadaeg kandin. Ipaahà din kandan sa kapauk hu Dios ha gamhanan pinaagi hu paggunas din taena ha agsabà kandin iling hu kakemesi hu paras.

Impadayag 19:4

Dayun su kaluwaan daw haepat ha mga magulang daw su haepat ha tinanghagà namanluhud hu pagsimba taena ha tagpinuu duun hu trunu ha tagyanaen, “Dayeen gayed sa Dios.”

Impadayag 21:22

Hurà ku naahà duun ha Timplu ta sa Dios ha gamhanan daw Magbabayà hu alan daw sa Nati ha Karniru iyan en tagsimbahen duun.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.

Impadayag 4:4

Nakalibut duun taena ha trunu sa kaluwaan daw haepat ha trunu ha duun daan tagpinuu sa kaluwaan daw haepat ha mga magulang. Sa pinaksuy dan pulus maputì daw sa ulu dan sinuupan hu kuruna ha bulawan.

Impadayag 4:6

Daw naahà ku daan duun taena sa dagat ha ben kating-aw en iling hu salamin. Duun hu taliwarà taena ha trunu amin duun haepat ha tinanghagà ha nalekep hu mga mata sa lawa dan.

Impadayag 4:9

Su haepat ha tinanghagà sigi dà tagkanta duun hu Dios ha bubuhay hu hinangturan ha tagpinuu duun hu trunu ta daw madayè, matahud daw mapasalamatan dan. Kada buhaten dan haena

Impadayag 5:6

Dayun naahà ku sa Nati ha Karniru ha duun tagtiyadeg hu taliwarà taena ha trunu daw linibutan ku haepat ha tinanghagà daw ku mga magulang. Saini ha Karniru amin din mga palì ha bà su hinimatayan su anay. Sa sungay din pitu ha buuk daw pitu daan sa mata din ha iyan sa pitu ha paagi ha makapadayag sa pagkagamhanan hu Balaan ha Ispiritu ha sinugù hu Dios dini ta tibuuk ha kalibutan.

Impadayag 6:1

Tag-ahaen ku su awaen hu Nati ha Karniru sa una ha timaan ku balasahen. Dayun napaliman ku sa sabuwa duun ku haepat ha tinanghagà ha sa lageng din bà su dagsang ha tagyanaen, “Guwà ka duun tayan.”

Impadayag 6:6

Dayun napaliman ku sa lageng ha duun napuun ku haepat ha tinanghagà ha tagyanaen, “Sa inaldawan hu etaw tatulu ha salmon ha trigu daw ku nangkagantang ba daw tengà ha sibada, ba harì nuy halinen sa bali hu lana hu kayu ha ulibu daw sa bali hu binu.”

Impadayag 7:11

Sa alan ha mga balinsuguen hu Dios ha nangakalibut duun ku trunu ha duun daan sa mga magulang, daw su haepat ha tinanghagà namanluhud hu pagsimba hu Dios

Impadayag 7:15

Aman duun sidan tagtiyadeg iman hu atubangan hu trunu hu Dios daw tag-alagad sidan kandin duun hu Timplu aldaw daw ku daleman, daw sa Dios ha duun tagpinuu hu trunu iyan bantay dan.