Impadayag 3:18 - Lalang Hu Dios

¹⁸ Aman agsambagan ku inyu ha palit kaw dini ta kanak hu bulawan ha piglimpyuwan pinaagi hu hapuy ta daw magsapian kaw. Palita nuy daan sa maputì ha bisti ta daw harì kaw magayhà tumenged ta nalebasan kaw. Daw palita nuy daan sa bulung hu mata ta daw makaindan kaw.

Impadayag 3:18 ပူးပေါင်းရင်းမြစ်များ

Mateo 13:44

“Sa tagharian hu Dios agkailing hu bulawan ha nakalebeng duun hu uma. Amin etaw ha nakaahà duun aman tungkay gayed nalipay. Ba bà din dà haena tinambuni daw pauulì. Dayun impamaligyà din sa alan ha mga butang din daw palilikù hu pagpalit taena ha uma.

Mateo 25:9

“Ba su mga matatau tuminubag, ‘Harì mahimu ta tumanan day dà haini. Bà kaw en diyà ta tindahan daw palit.’

Lucas 12:21

“Iyan haena agkapayanan-an hu etaw ha bà din dà ag-amul-amula sa mga katigayunan din ta daw magsapian ba kenà haena sapian duun hu Dios.”

2 Corinto 5:3

Saena kenà bà dà gimukud ba laus gayed ha lawa.

2 Corinto 8:9

Natun-an nuy ku inu gayed sa grasya hi Cristo Jesus ha Ginuu taw. Bisan ku sapian diyà ta langit ba nabuhat ha makaluluuy para inyu ta daw pinaagi taena mabuhat kaw daan ha sapian.

1 Timoteo 6:18

Ikagiyi sidan ha iyan dan buhaten sa maayad ta iyan haena laus ha katigayunan daw magkalalagan daan sidan

Santiago 2:5

Pinalanggà ku ha mga suled, palilimani nuy haini. Kenà ba iyan pinilì hu Dios sa mga makaluluuy ha etaw dini ta kalibutan ta daw mabuhat sidan ha sapian duun hu pagtuu dan? Daw iyan daan sidan tagharian hu Dios sumalà hu mga saad din duun hu tagpalanggà kandin.

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

Impadayag 16:15

Aman inamul-amul dan en haena duun hu lugar ha tagngaranan duun hu inikagiyan ha Hebreo hu Armagedon. Kagi hi Jesus, “Sa paglikù ku harì agkatun-an iling hu takaw. Malipayen gayed sa etaw ha sigi dà pupukaw daw nabistiyan ta daw harì mayag-awan daw magayhaan.”

Impadayag 19:8

ta inilahan hu maputì ha bisti ha tungkay malimpyu daw tagpangaluanlag.” Saena ha bisti iyan sa mga matareng ha buhat hu mga etaw hu Dios.

Impadayag 2:9

Natun-an ku sa malegen ha alantusen nuy iman daw sa pagkaamani nuy, ba sapian kaw gayed asem diyà ta langit. Natun-an ku daan ha tagtameyesen kaw hu mga tagpasibù-sibù ha mga Judio ba mga sakup diay sidan hi Satanas.

Impadayag 3:17

Kagi nu ha sapian kaw daw maayad en sa pagtimà nuy ta duduun en sa alan, ba hurà nuy katun-i ha iyan kaw pinakahaluhid-u daw tungkay makaluluuy, mga buta kaw daan daw lelebas pa gayed.

Impadayag 4:4

Nakalibut duun taena ha trunu sa kaluwaan daw haepat ha trunu ha duun daan tagpinuu sa kaluwaan daw haepat ha mga magulang. Sa pinaksuy dan pulus maputì daw sa ulu dan sinuupan hu kuruna ha bulawan.

Impadayag 7:13

Dayun ininsaan a hu sabuwa taena ha mga magulang, “Sin-u hayana sa mga migpinaksuy hu maputì daw hindu man sidan duun nangapuun?”