Impadayag 22:6 - Lalang Hu Dios

⁶ Inikagiyan a ku balinsuguen, “Su lalang ha napaliman nu kamatuuran daw agkasaligan. Sa Dios daw Magbabayà hu alan ha mig-ila hu Balaan ha Ispiritu duun hu mga prupita din sinugù din daan sa balinsuguen din hu pagpaahà taena ha mga etaw din ku inu sa madani en ha maula-ula.”

Impadayag 22:6 ပူးပေါင်းရင်းမြစ်များ

Mateo 13:41

Siak sa Batà hu Etaw agsuguen ku sa mga balinsuguen hu Dios ha amul-amulen dan sa mga etaw ha migbuhat hu madaet daw su mga etaw ha iyan igpakasalà hu mga duma dan

Lucas 1:70

ta iyan haena inikagi kanuy hu Dios pinaagi hu mga prupita din.

Lucas 16:16

“Sa Kasuguan daw sa lalang hu Dios pinaagi hu mga prupita duun dà nataman hu pagpakauma hi Juan Ha Tagpamautismu. Sugud taena tigsangyaw sa Maayad ha Tultulanen mahitenged hu pagharì hu Dios daw agpegesen ngaay hu mga etaw ha magharì en haena.

Mga Buhat 12:11

Dayun nakatanud si Pedro daw nakaikagi, “Laus diay ha migsugù sa Dios hu balinsuguen din dini ta kanak ta daw malibri a duun hu mahitabù ha tagsalapen hu mga Judio daw duun hu madaet ha agbuhaten ngaay kanak hi Herodes.”

Mga Buhat 3:18

Ba pinaagi taena tinuman hu Dios sa inikagi hu mga prupita din ha su Misiyas ha sinugù din kinahanglan gayed ha mag-antus.

1 Corinto 14:32

Saena ha tagsaysay hu igpaikagi hu Dios kinahanglan ha magpugung hu kaugalingen din

1 Corinto 7:29

Mga suled, sa henà-henà ku iyan haini. Tumenged ta mababà dà sa panahun sinyu sa amin din asawa kinahanglan ha sa buluhaten hu Dios ipalabaw nuy gayed.

2 Tesalonica 1:7

ba sikuy sa mga tag-antus iman ipahimlay kuy dà asem kandin ku lumikù si Jesus ha Ginuu ha tagpangaluanlag duma hu mga gamhanan ha balinsuguen din.

Hebreo 12:9

Bisan sa mga amay taw agbaldengen kuy kandan daw agtahuran taw sidan. Labaw pa gayed ha magmatinumanen kuy duun hu Amay taw diyà ta langit ta pinaagi kandin amin taw kinabuhì ha hurà din katapusan.

2 Pedro 1:21

ta sa lalang hu Dios hurà duun kapuun hu henà-henà hu etaw ba su mga prupita minikagi taini tumenged ta ginaheman sidan hu Balaan ha Ispiritu.

2 Pedro 3:2

Agkabayaan ku ha harì nuy lipatan sa inikagi hu mga prupita daw sa mga kasuguan hi Cristo Jesus ha Ginuu daw Manluluwas taw ha intudlù day inyu sikay sa mga apustulis.

Impadayag 1:1

Iyan haini impadayag hi Cristo Jesus ha insalig kandin hu Dios ta daw matun-an hu mga etaw din ku inu sa madani en ha maula-ula. Impadayag haini hi Cristo Jesus duun hu suluguen din ha si Juan pinaagi hu balinsuguen hu Dios.

Impadayag 18:20

Sinyu sa tagtimà diyan ta langit, magmalipayen kaw ta nadaetan en haena sa banuwa. Sinyu sa mga etaw hu Dios daw mga apustulis daw mga prupita, magmalipayen kaw ta sinilutan en gayed haena hu Dios tumenged hu binuhat din inyu.

Impadayag 19:9

Dayun inikagiyan a ku balinsuguen hu Dios, “Isulat nu haini, ‘Malipayen gayed su inimbita duun hu kaamulan hu Nati ha Karniru.’” Daw sinumpayan din, “Iyan haini lalang hu Dios daw kamatuuran gayed.”

Impadayag 21:5

Dayun minikagi haena sa tagpinuu duun ku trunu, “Iman bag-uwen kud en sa alan.” Daw inikagiyan a daan kandin, “Isulat nu haini sa agkapaliman nu ta saini kamatuuran daw kasaligan gayed.

Impadayag 21:9

Dayun sa sabuwa duun ku pitu ha balinsuguen hu Dios ha tagbalabad hu yahung ha tinaguan hu mga alantusen inikagiyan a kandin, “Dini ka ta igpaahà ku ikaw sa tag-asawahen taena ha Nati ha Karniru.”

Impadayag 22:1

Dayun impaahà daan kanak ku balinsuguen hu Dios sa wahig ha tag-ila hu kinabuhì. Saena tagsinlang ha agkailing hu salamin daw duun agkapuun ku trunu hu Dios daw hu Nati ha Karniru

Impadayag 22:16

“Iyan a si Jesus sa migsugù taena ha balinsuguen ku hu pagpanunultul taini diyan ta inyu sinyu sa mga punduk hu tagkaamul-amul ha mga tumutuu. Iyan a su Kaliwat hi David daw bituen ha makabugwas.”

Impadayag 22:7

Kagi hi Jesus, “Laus ad en aglikù. Malipayen gayed sa etaw ha tumuu hu intagnà ha insulat duun taini ha libru.”

Impadayag 4:1

Su maiwas haena naahà ku ha napuwaan sa pultahan ta langit. Daw napaliman ku dà su lageng ha agkailing hu trumpita ha tagyanaen, “Latun ka dini ta igpaahà ku ikaw sa maul-ulahan asem ku malugay.”