Impadayag 20:2 - Lalang Hu Dios

² Dinakep din su dragun ha iyan sa Yawà ha bunsalagan su anay daw tagngaranan ki Satanas dayun pigkadinahan din seled hu nangkalibu ha tuig.

Impadayag 20:2 ပူးပေါင်းရင်းမြစ်များ

Mateo 19:29

Sa alan ha inawaan dan sa mga bugtà, balay, mga suled, mga laas, mga batà dan, tumenged hu pagsunud kanak, bisan iman ha panahun makadawat en gayed hu madakel pa dì taena ha inawaan dan daw maangken dan daan sa kinabuhì ha hurà din katapusan.

Mateo 8:29

nakapangulahì sidan ha tagyanaen, “Inu sa labet nu kanay sikaw sa Batà hu Dios? Agpasipalahan kay ba ikaw iman bisan ku kenà pa haini panahun?”

Marcos 4:15

Su binhì ha diyà dà nakatanà ta dalan iyan su mga etaw ha nakapaliman hu lalang hu Dios ba sagunà pakauma si Satanas daw agawen din sa napaliman dan.

Marcos 5:7

Nangulahì gayed ha tagyanaen, “Jesus sa Batà hu Dios ha iyan Magbabayà hu alan, inu sa labet nu kanak? Aghangyuen ku ikaw ha harì a ikaw pasipalahan.”

Juan 12:31

ha iyan en iman panahun ha sa Dios maghukum hu silut taena ha harì agtuu kanak, ta si Satanas ha iyan harì dini ta kalibutan madaeg.

Juan 16:11

Igtudlù din ha sa mga makasasalà silutan gayed hu Dios ta si Satanas sa tagharì hu harì agtuu kanak pighukuman en hu silut.

Roma 16:20

Sa Dios ha iyan puunaan hu kalinaw buhaten din sa paagi ha laus nuy en madaeg si Satanas. Panalanginan kaw hi Cristo Jesus ha Ginuu taw.

Hebreo 2:14

Tumenged ta sikuy sa mga batà hu Dios, etaw dà, si Jesus migpakaetaw daan ta daw mailing haena kanuy. Binuhat din haena ta daw mabaluy ha magpakamatay daw pinaagi taena madaeg din si Satanas sa iyan puunaan hu kamatayen,

1 Pedro 5:8

Magpugung kaw hu kaugalingen nuy daw magpangandam kaw ta sa kuntra nuy ha si Satanas taglibut-libut diyan ta inyu iling hu taghinigel ha liyun ta tagpan-ahà hu makagat din.

2 Pedro 2:4

Ta bisan sa mga balinsuguen hu Dios ha nakasalà su anay hurà bà dà ipatayà hu Dios ba inlambeg sidan duun hu tungkay gayed madalem ha bitu. Didiyà pa iman sidan ha kinadinahan duun hu kasukileman ha tag-angat hu Aldaw hu Paghukum.

Judas 1:6

Daw bisan sa mga balinsuguen hu Dios ha hurà tuman hu katengdanan dan daw inawaan dan sa tagtimaan dan kinadinahan sidan hu Dios duun hu kasukileman hangtud ha silutan din sidan asem ku Aldaw hu Paghukum.

Impadayag 12:13

Su mahulug en haena sa dragun dini ta kalibutan linasay din su bahi ha inay ku batà ha maama.

Impadayag 12:15

Dayun imbula taena ha dragun sa madalem tungkay ha wahig ta daw maanud ngaay su bahi.

Impadayag 12:17

Saena ha dragun tungkay gayed agkapauk ku bahi aman iyan din en paman inelegan sa nasamà ha kaliwatan taena ta daw masabà din. Saena ha mga kaliwatan ku bahi, iyan su mga etaw ha matinumanen hu mga sugù hu Dios daw tagpangeseg duun hu kamatuuran ha intudlù hi Jesus.

Impadayag 12:3

Nakahiwal daan sa lain ha belenganen diyà ta langit. Saena adagi tungkay ha dragun ha maligà daw pitu sa ulu din ha natukid hu kuruna daw sampulù daan sa mga sungay din.

Impadayag 12:4

Pinaagi hu ikug din ginuyud din sa ikatulu ha bahin hu mga bituen daw ilambeg dini ta kalibutan. Saena duun tuminiyadeg hu atubangan ku bahi ha kamulu en agbaliliti ta daw makaen din su batà ku ihimus-ag.

Impadayag 12:9

Su dragun iyan su Yawà ha bunsalagan su anay daw tagngaranan ki Satanas ha iyan daan miglimbung hu alan ha kaet-etawan dini ta kalibutan. Aman saena daw sa mga ginsakupan din hinulug dini ta kalibutan.

Impadayag 13:2

Saena ha mananap ha naahà ku agkailing hu liyupardu, sa mga paa din agkailing hu paa hu usu daw sa bàbà din agkailing hu bàbà hu liyun. Su dragun mig-ila hu kagahem din duun ku pinakahaluhaldek ha mananap hu pagharì.

Impadayag 13:4

Sinimba dan su dragun tumenged ta inilahan din hu kagahem haena sa pinakahaluhaldek ha mananap daw sinimba dan daan su mananap hu kagi dan, “Hurà en gayed makalabaw taini ha mananap daw hurà en daan makadaeg kandin.”

Impadayag 20:10

Dayun si Satanas sa iyan miglimbung kandan iglambeg duun ku tagkalegdeg ha linaw ha asupri ha duun daan inlambeg su mananap daw su biduen ha prupita. Diyà sidan mag-antus hu mga kasakitan aldaw daw ku daleman hu hurà din en gayed katapusan.

Impadayag 20:7

Ku maiwas en sa nangkalibu ha tuig igpaawà dà si Satanas duun ku pigprisuhan kandin.

Impadayag 9:11

Amin dan daan harì ha iyan tagbayà taena ha bitu ha tungkay gayed madalem. Saena balinsuguen hu Dios ha sa ngaran din duun hu Hebreo ha inikagiyan si Abadon daw duun hu Griego si Apolion ha sa kahulugan din Mandadaet.