Impadayag 20:10 - Lalang Hu Dios

¹⁰ Dayun si Satanas sa iyan miglimbung kandan iglambeg duun ku tagkalegdeg ha linaw ha asupri ha duun daan inlambeg su mananap daw su biduen ha prupita. Diyà sidan mag-antus hu mga kasakitan aldaw daw ku daleman hu hurà din en gayed katapusan.

Impadayag 20:10 ပူးပေါင်းရင်းမြစ်များ

Mateo 25:41

“Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Mateo 25:46

“Dayun saena ha mga etaw ilambeg diyà ta Impirnu daw silutan hu hurà din katapusan, ba sa matareng mailahan hu kinabuhì ha hurà din katapusan.”

Mateo 7:15

“Mag-andam kaw hu mga manunudlù ha biduen ta saena dumiyan ta inyu ha bà su mga tumutuu ba sa mga tigtudlù dan makadaet inyu.

Marcos 9:44

ha duun sa uled ha harì gayed agpatay daw sa hapuy ha harì en agkapedengan.

Impadayag 16:13

Dayun naahà ku sa tatulu ha mga busaw, saena mahugaw gayed ha agkailing hu mga bakbak. Sa sabuwa duun napuun ku bàbà taena ha dragun, sa ikaduwa duun napuun ku bàbà taena ha pinakahaluhaldek ha mananap, daw sa ikatulu duun napuun hu bàbà ku biduen ha prupita.

Impadayag 19:20

Ba nadakep su mananap daw su biduen ha prupita ha migpaahà hu mga belenganen duun hu atubangan din. Tumenged ku mga belenganen nalimbungan din su mga etaw ha naugsakan hu timaan taena ha mananap daw suminimba hu larawan din. Dayun saena ha mananap daw su biduen ha prupita inlambeg ha bubuhay duun hu linaw ha tagkalegdeg hu asupri.

Impadayag 20:8

Dayun dumuun dà paman haena hu alan ha kaet-etawan dini ta tibuuk ha kalibutan hu paglimbung kandan. Su mga etaw ha tagngaranan ta Gog daw Magog amul-amulen hi Satanas ta agsabaen dan sa Dios. Sa kadakelen dan iling hu pantad ta dagat.

Impadayag 9:17

Agkailing taini sa mga kabayu duun hu panan-awen ku. Sa taglulan duun inapidan sa kagpa dan hu puthaw ha maligà, mahilaw daw makalawag. Sa ulu taena ha mga kabayu agkailing hu liyun daw agpamanhiwal diyà ta bàbà dan sa hapuy daw ebel ha asupri.