Impadayag 2:26 - Lalang Hu Dios

²⁶ Saena ha madaeg din sa madaet daw magmatinumanen kanak hangtud hu katapusan ilahan ku hu kagahem ha magharì duun hu alan ha kaet-etawan

Impadayag 2:26 ပူးပေါင်းရင်းမြစ်များ

Mateo 10:22

Kuntrahen kaw hu kaet-etawan tumenged kanak, ba sa harì umendà hu pagtuu hangtud hu katapusan mailahan hu kinabuhì ha hurà din katapusan.

Mateo 19:28

Inikagiyan sidan hi Jesus, “Laus gayed sa ag-ikagiyen ku inyu ha umuma sa panahun ha bag-uwen sa alan daw siak sa Batà hu Etaw minuu a duun hu trunu. Sinyu sa sampulù daw daruwa ha mga tinun-an makapinuu kaw daan duun hu mga trunu daw pagharian nuy haena sa sampulù daw daruwa ha kaliwatan hi Israel.

Mateo 24:13

Ba sa harì umendà hu pagtuu mailahan hu kinabuhì ha hurà din katapusan.

Juan 6:29

Tuminubag si Jesus, “Sa agkabayaan hu Dios iyan sa tumuu kaw kanak sa sinugù din.”

Roma 2:7

Saena ha agpaniguru gayed hu pagbuhat hu maayad ta iyan dan taghenhenaen ha dayeen sidan hu Dios daw ipatangkaw sidan hu hurà din katapusan, mailahan sidan hu kinabuhì.

Roma 8:37

Aman duun hu bisan inu agpakadaeg kuy gayed pinaagi ki Cristo Jesus sa tagpalanggà kanuy.

1 Tesalonica 3:5

Tumenged ta harì a aghingan-an inyu impadiyan ku si Timoteo ta daw masusi kaw kandin ku mabis-ay kaw pa ba duun hu pagtuu ta agkasamukan ku inyu ku panulayen kaw hi Satanas daw hurà pulus hu pagtudlù day diyan ta inyu.

Hebreo 3:6

Ba si Cristo kenà bà dà suluguen ta Batà gayed hu Dios daw matinumanen hu pag-alima iman hu pamilya hu Dios. Iyan kuy en iman pamilya din ku pangesegan taw sa pagsalig taw kandin daw sa taghinamen taw ha iyan igkalipay taw.

Santiago 2:20

Buang-buang kaw gayed. Hurà nuy ba diay katun-i ha ku hurà maayad ha buhat duma hu pagtuu saena hurà din pulus?

1 Juan 2:19

Saini ha mga etaw suminuway dini ta kanuy tumenged ta kenà taw duma, ta ku mga duma taw pa ngaay sidan hurà ngaay sidan suway kanuy. Ba tumenged ta suminuway en man sidan kanuy natun-an taw ha kenà taw gayed sidan mga duma.

1 Juan 3:23

Iyan haini sugù kanuy hu Dios sa tuuwan taw si Cristo Jesus ha Batà din daw magpinalanggaay kuy ta iyan daan haini sugù kanuy su anay hi Jesus.

1 Juan 5:5

Sin-u sa agpakadaeg taena ha madaet? Iyan gayed sa tuminuu ha si Jesus Batà hu Dios.

Impadayag 2:11

Henhenaa gayed sa napaliman nuy ha inikagi hu Balaan ha Ispiritu duun hu alan ha mga tumutuu. Saena ha madaeg din sa madaet harì gayed masilutan duun hu ikaduwa ha kamatayen.’

Impadayag 2:17

Henhenaa gayed sa napaliman nuy ha inikagi hu Balaan ha Ispiritu duun hu alan ha mga tumutuu. Saena ha madaeg din sa madaet ag-ilahan ku hu mana ha iyan kalan-enen ha harì agkaahà, daw ilahan ku daan hu maputì ha batu ha duun nakasulat sa bag-u ha ngaran din ha iyan dà pakatuen duun sa mailahan taena.’

Impadayag 2:7

Henhenaa gayed sa napaliman nuy ha inikagi hu Balaan ha Ispiritu duun hu alan ha mga tumutuu. Saena ha madaeg din sa madaet ilahan ku hu katenged hu pagkaen taena ha bunga hu kayu ha pakaila hu kinabuhì duun hu madagway ha banuwa hu Dios.’

Impadayag 20:4

Naahà ku daan sa mga trunu ha sa tagpipinuu duun pinan-ilahan hu katenged ha maghukum. Daw naahà ku pa gayed daan sa gimukud ku mga etaw ha pinamungulan tumenged hu pagpanunultul dan hu lalang hu Dios daw hu kamatuuran ha intudlù hi Jesus. Iyan haena sidan hurà simba ku mananap daw taena ha larawan din daw hurà daan kaugsaki sa mga tangad dan daw sa alima dan hu timaan taena ha mananap. Duun taena nangabanhaw sidan daw migharì duma ki Cristo hu nangkalibu ha tuig.

Impadayag 21:7

Bisan sin-u sa makapildi hu madaet makaangken taena ha kinabuhì daw iyan a kandin Dios daw iyan en daan batà ku.

Impadayag 22:5

Hurà en duun daleman daw hurà en kinahanglana sa siga hu aldaw ta iyan en sulù sa Dios daw Magbabayà hu alan. Daw magharì daan sidan hu hinangturan.

Impadayag 3:12

Saena ha madaeg din sa madaet buhaten ku ha iling hu tukud hu Timplu hu Dios daw harì en makayug duun. Isulat ku diyà ta kandin sa ngaran ku ha bag-u daw sa ngaran hu Dios daw sa ngaran hu Bag-u ha Jerusalem sa banuwa hu Dios ha makabulus puun diyà ta kandin.

Impadayag 3:21

Saena ha madaeg din sa madaet ag-ilahan ku hu katenged pagharì duma kanak iling ha nadaeg ku daan si Satanas daw tagharì a duma hu Dios ha Amay ku.

Impadayag 3:5

Saena ha madaeg din sa madaet mapinaksuyan hu maputì daw harì daan mapanas sa ngaran din duun hu libru hu kinabuhì. Angkenen ku haena duun hu atubangan hu Dios ha Amay ku daw duun hu mga balinsuguen din.