Impadayag 19:18 - Lalang Hu Dios

¹⁸ Dini kaw en daw kan-a sa sapù hu mga harì, hu mga kapitan daw hu mga kasundaluwan, bisan sa lawa hu mga kabayu daw sa taglulan duun daw sa lawa hu alan ha mga etaw, sa mga ulipen daw sa kenà, sa matangkaw daw sa ubus sa kahimtang din.”

Impadayag 19:18 ပူးပေါင်းရင်းမြစ်များ

Mateo 24:28

Ku hindu duun sa mga minatay duun daan tag-amul-amul sa mga wakwak.

Lucas 17:37

Ininsaan dan si Jesus, “Ginuu, hindu haini agkahitabù?” Tuminubag si Jesus, “Ku hindu duun sa mga minatay duun daan tag-amul-amul sa mga wakwak.”

Impadayag 11:18

Sa kenà ikaw ha mga etaw tungkay gayed napauk ta nakauma diyà ta kandan sa pagsilut nu. Nakauma en sa panahun ha hukuman nu sa mga buhat hu mga minatay en daw balesan nu su mga suluguen nu ha mga prupita daw sa alan ha mga etaw nu ha tagtahud ikaw sa matangkaw daw sa minus sa kahimtang dan. Iyan en daan haini panahun ha silutan nu sa mga etaw ha migdaet ta kalibutan.”

Impadayag 13:16

Pineges din daan sa alan ha mga etaw, sa matangkaw daw sa ubus sa kahimtang din, sa sapian daw sa makaluluuy, sa ulipen daw sa bisan sin-u ha ugsakan hu timaan sa kawanan ha alima dan daw ku diyà ba ta tangad dan

Impadayag 17:16

Su sampulù ha mga harì daw su mananap agkuntrahen dan su madaet ha bahi aman ag-agawan dan haena hu alan ha mga butang din daw lebasan dan, kan-en dan sa mga sapù din daw sunugen dan.

Impadayag 19:5

Napaliman ku sa lageng ha napuun duun hu trunu ha tagyanaen, “Sinyu sa mga suluguen hu Dios daw sinyu daan sa tagtahud kandin, sa matangkaw daw sa ubus sa kahimtang din, dayeen nuy gayed sa Dios.”

Impadayag 6:15

Dayun sa mga harì, sa mga agalen, sa mga kapitan hu mga kasundaluwan, sa mga sapian, sa mga mabis-ay ha mga etaw, sa mga ulipen daw sa bisan sin-u namanheles duun hu mga liyang daw duun hu mga adagi ha batu diyà ta bubungan.