Impadayag 19:10 - Lalang Hu Dios

¹⁰ Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

Impadayag 19:10 ပူးပေါင်းရင်းမြစ်များ

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Marcos 5:22

amin sabuwa ha agalen duun hu simbahan hu mga Judio ha nakauma ha tagngaranan ki Jairo. Su maahà din si Jesus luminuhud diyà ta atubangan din

Marcos 7:25

Amin diyà bahi ha sa laga-laga din tinaguan hu busaw. Su mapaliman din sa mahitenged ki Jesus inelegan din daw luhud duun hu atubangan taena.

Lucas 1:19

Tuminubag su balinsuguen hu Dios, “Iyan a si Gabriel ha sinaligan hu Dios diyà ta langit. Sinugù a kandin dini ta daw matultulan ku ikaw taini ha maayad ha tultulanen.

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Juan 5:39

Tagtuen kaw gayed hu lalang hu Dios ta kagi nuy ha iyan haena makaila inyu hu kinabuhì ha hurà din katapusan. Ba saena ha lalang din iyan daan makapanistigus mahitenged kanak,

Mga Buhat 10:43

Inikagi en hu alan ha mga prupita ha bisan sin-u sa tumuu kandin mapasaylu sa mga salà dan pinaagi hu ngaran hi Jesus.”

Mga Buhat 13:27

Ba sa mga Judio diyà ta Jerusalem daw sa mga agalen hurà dan kakilala si Jesus ha iyan diay sinugù hu Dios, ba pinaagi hu kahukumi dan kandin hu kamatayen natuman dan sa insulat hu mga prupita ha tagbasahen kada Sabadu.

2 Corinto 8:7

Maayad kaw gayed duun hu bisan inu ta mabis-ay sa pagtuu nuy daw maayad kaw hu pagpanudlù ta natun-an nuy gayed sa kamatuuran. Naniguru kaw gayed daw adagi daan sa pagpalanggà nuy kanay. Aman iman agkabayaan day ha ipaahà nuy daan sa pagkakalalagan.

Efeso 5:15

Mag-andam kaw hu pamatasan nuy daw magmasinabuten kaw kenà iling hu mga buang-buang.

Efeso 5:33

Ba tagpasabut daan haini mahitenged hu mig-asawa, aman kinahanglan gayed ha sa igmaama palanggaen din sa igbahi din iling hu pagpalanggà hu kaugalingen din, daw sa igbahi kinahanglan tumahud gayed hu igmaama din.

Filipos 3:3

Ba iyan kuy laus ha batà hu Dios ta sinimba taw sa Dios pinaagi hu Balaan ha Ispiritu ha sinugù din daw igkalipay taw iman sa pagpakigsabuwa taw ki Cristo Jesus. Kenà taw iyan sinaligan sa kalibutanen ha mga tulumanen

1 Tesalonica 5:15

Harì nuy gayed balesan hu madaet haena sa tagbuhat hu madaet diyan ta inyu, ba iyan nuy gayed sigi buhaten sa maayad duun hu bisan sin-u.

Hebreo 1:14

Sa mga balinsuguen bà dà sinugù hu Dios hu pagbulig taena ha agluwasen.

Hebreo 12:25

Mag-andam kaw gayed ha harì kaw makasupak hu lalang hu Dios. Ku sinilutan hu Dios sa mga etaw su anay tumenged ta hurà sidan magpaliliman ki Moises, labaw pa gayed sa igsilut kanuy hu Dios ku harì taw pagpalilimanan sa tag-ikagiyen din diyà ta langit.

1 Juan 5:10

Saena ha tuminuu gayed ki Jesus ha Batà hu Dios nakatuen ha laus gayed haini, ba sa etaw ha hurà tuu hu inikagi hu Dios mahitenged hu Batà din hinimu din sa Dios ha biduen.

1 Juan 5:21

Pinalanggà ku ha mga batà, magpadiyù kaw duun hu mga diyus-diyus.

Impadayag 1:1

Iyan haini impadayag hi Cristo Jesus ha insalig kandin hu Dios ta daw matun-an hu mga etaw din ku inu sa madani en ha maula-ula. Impadayag haini hi Cristo Jesus duun hu suluguen din ha si Juan pinaagi hu balinsuguen hu Dios.

Impadayag 1:9

Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 12:17

Saena ha dragun tungkay gayed agkapauk ku bahi aman iyan din en paman inelegan sa nasamà ha kaliwatan taena ta daw masabà din. Saena ha mga kaliwatan ku bahi, iyan su mga etaw ha matinumanen hu mga sugù hu Dios daw tagpangeseg duun hu kamatuuran ha intudlù hi Jesus.

Impadayag 14:7

Minikagi haena hu madaging, “Tahura nuy gayed sa Dios daw dayea sa pagkagamhanan din ta nakauma en sa panahun ha hukuman din sa alan ha kaet-etawan. Simbaha nuy sa Dios ha iyan migtanghagà hu langit, bugtà, dagat daw hu mga tuburan.”

Impadayag 15:4

Talahuren ka hu alan ha mga etaw daw dayeen sa pagkagamhanan nu ta iyan ka dà gayed balaan. Agsimbahen ka hu alan ha kaet-etawan ta naahà dan sa mga buhat nu ha matareng.”

Impadayag 19:9

Dayun inikagiyan a ku balinsuguen hu Dios, “Isulat nu haini, ‘Malipayen gayed su inimbita duun hu kaamulan hu Nati ha Karniru.’” Daw sinumpayan din, “Iyan haini lalang hu Dios daw kamatuuran gayed.”

Impadayag 4:10

su kaluwaan daw haepat ha mga magulang agpamanluhud duun hu atubangan hu Dios ha bubuhay hu hinangturan hu pagsimba kandin. Ig-ugsak dan daan sa mga kuruna duun hu atubangan taena ha trunu hu kagi dan,