Impadayag 17:4 - Lalang Hu Dios

⁴ Saena ha bahi migpinaksuy hu maligà daw dinayan-dayanan sa lawa din hu mga bulawan daw hu tagsiga-siga ha batu daw mga pirlas. Tagbalabad haena hu tasa ha bulawan ha tinaguan hu mahugaw daw pinakagalugayhà ha mga buhat din.

Impadayag 17:4 ပူးပေါင်းရင်းမြစ်များ

Impadayag 14:8

Luminupug sa ikaduwa ha balinsuguen hu Dios daw minikagi, “Nadaetan gayed haena sa bantugan ha banuwa ta Babilonia ta pinaagi taena ha banuwa sa alan ha kaet-etawan mig-inum hu binu din ha iyan sa mga buhat ha mahugaw.”

Impadayag 18:12

Hurà en makapalit hu mga bulawan, salapì, mga pirlas daw mga mahalen ha batu, mga manggad ha maputì daw maligà daw sida, sa alan ha kalasi hu mga kayu ha mahumut daw sa bisan inu ha binuhat hu marpil, mahalen ha kayu, mga galang, puthaw daw marmul,

Impadayag 18:16

daw magyanaen, “Pinakahaluhaldek gayed sa naul-ulahan ku bantugan ha banuwa ta sa mga etaw ha migtimà duun tagpinaksuy hu madagway, maputì daw maligà daw pigdayan-dayanan sa lawa dan hu mga bulawan daw tag-anlag ha batu daw hu mga pirlas.

Impadayag 19:2

Matareng daw kasaligan sa paghukum din ta sinilutan din haena sa nabantug ha madaet ha bahi tumenged ta hinugawan din sa kalibutan pinaagi hu malaw-ay ha mga buhat. Sinilutan daan haena ta hinimatayan din sa mga suluguen hu Dios.”

Impadayag 21:21

Su sampulù daw daruwa ha pultahan binuhat hu mga pirlas, sa kada sabuwa ha pultahan sabuwa daan ha pirlas. Sa dalan duun taena ha banuwa pulus dà gayed bulawan ha mating-aw iling hu salamin.

Impadayag 9:21

Daw sa mga etaw hurà dan daan hinulsuli sa pagkatalamunù daw sa pagkabarangan dan, sa paghimu hu malaw-ay daw sa pagpanakaw dan.