Impadayag 16:7 - Lalang Hu Dios

⁷ Dayun napaliman ku sa lageng duun ku halaran ha tagyanaen, “Sikaw sa Dios ha gamhanan daw Magbabayà hu alan, kasaligan daw matareng gayed sa paghukum nu hu kaet-etawan.”

Impadayag 16:7 ပူးပေါင်းရင်းမြစ်များ

Impadayag 1:8

Sa Dios ha gamhanan daw Magbabayà hu alan ha duduun en su hurà pa tanghagaa sa bisan inu daw duduun pa iman daw hangtud hu hurà din katapusan tagyanaen, “Iyan a puunaan daw iyan a daan katapusan hu alan.”

Impadayag 13:10

Sa etaw ha iyan maagiyan din sa agdakepen madakep gayed. Sa etaw ha iyan ipatay din sa ispada matay gayed. Aman kinahanglan ha sa mga etaw hu Dios magpailub duun hu mga alantusen daw magmatinumanen gayed kandin.

Impadayag 14:10

ipainum gayed hu mapait ha binu ha iyan sa kapauk hu Dios. Saena ha mga etaw ipaantus gayed hu kasakitan duun hu tagkalegdeg ha asupri daw tag-ahaen sidan taena ha Nati ha Karniru daw ku mga balinsuguen hu Dios.

Impadayag 14:18

Dayun guminuwà pa gayed sa lain ha balinsuguen duun taena ha halaran diyà ta Timplu ha iyan tagbayà taena ha hapuy duun. Inikagiyan din hu madaging haena sa balinsuguen ha tagbalabad hu magalang ha sangget, “Diyà kad en ta kalibutan daw panimua sa paras ta nahinug en haena.”

Impadayag 19:2

Matareng daw kasaligan sa paghukum din ta sinilutan din haena sa nabantug ha madaet ha bahi tumenged ta hinugawan din sa kalibutan pinaagi hu malaw-ay ha mga buhat. Sinilutan daan haena ta hinimatayan din sa mga suluguen hu Dios.”

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.