Impadayag 16:6 - Lalang Hu Dios

⁶ Ta iyan haini sidan mighimatay ku mga prupita daw hu mga etaw nu aman igpainum nu iman kandan sa langesa ta iyan haena angayan ha bales kandan.”

Impadayag 16:6 ပူးပေါင်းရင်းမြစ်များ

Mateo 7:2

Ta ku inu sa ighukum nuy hu duma nuy iyan en daan haena ighukum inyu hu Dios, daw sa kabegat hu ighukum nuy iyan en daan haena kabegat hu ighukum inyu hu Dios.

Lucas 12:48

Ba sa suluguen ha nakasalà ta hurà din haena katun-i atiyuay dà ha bunal sa silut din. Sa etaw ha madakel sa insalig kandin madakel daan sa tagsalapen diyà ta kandin.

Hebreo 10:29

Labaw pa gayed kabegat sa silut hu mga etaw iman ha hurà dawat taena ha Batà hu Dios daw tag-isip ha hurà pulus taena ha langesa hi Cristo ha iyan timaan hu bag-u ha kasabutan ha iyan ngaay makahimpit kandan, daw pigpasipalahan dan daan sa Balaan ha Ispiritu ha iyan mig-ila hu grasya dini ta kanuy.

Impadayag 11:18

Sa kenà ikaw ha mga etaw tungkay gayed napauk ta nakauma diyà ta kandan sa pagsilut nu. Nakauma en sa panahun ha hukuman nu sa mga buhat hu mga minatay en daw balesan nu su mga suluguen nu ha mga prupita daw sa alan ha mga etaw nu ha tagtahud ikaw sa matangkaw daw sa minus sa kahimtang dan. Iyan en daan haini panahun ha silutan nu sa mga etaw ha migdaet ta kalibutan.”

Impadayag 13:10

Sa etaw ha iyan maagiyan din sa agdakepen madakep gayed. Sa etaw ha iyan ipatay din sa ispada matay gayed. Aman kinahanglan ha sa mga etaw hu Dios magpailub duun hu mga alantusen daw magmatinumanen gayed kandin.

Impadayag 13:15

Su ikaduwa ha mananap inilahan daan hu kagahem hu pagpagahinawa daw pagpaikagi ku larawan taena ha nauna ha mananap ta daw mapatay din sa bisan sin-u ha harì sumimba kandin.

Impadayag 18:20

Sinyu sa tagtimà diyan ta langit, magmalipayen kaw ta nadaetan en haena sa banuwa. Sinyu sa mga etaw hu Dios daw mga apustulis daw mga prupita, magmalipayen kaw ta sinilutan en gayed haena hu Dios tumenged hu binuhat din inyu.

Impadayag 18:24

Hinukuman en sa Babilonia ta duun tuminugà sa langesa hu mga prupita daw hu mga etaw hu Dios daw hu alan ha pinanhimatayan dini ta kalibutan.

Impadayag 19:2

Matareng daw kasaligan sa paghukum din ta sinilutan din haena sa nabantug ha madaet ha bahi tumenged ta hinugawan din sa kalibutan pinaagi hu malaw-ay ha mga buhat. Sinilutan daan haena ta hinimatayan din sa mga suluguen hu Dios.”