Impadayag 16:4 - Lalang Hu Dios

⁴ Su ikatulu ha balinsuguen hu Dios hinudhud din su kandin ha yahung duun hu mga wahig daw mga tuburan daw nabuhat daan haena ha langesa.

Impadayag 16:4 ပူးပေါင်းရင်းမြစ်များ

Impadayag 11:6

Iila daan kandan sa kagahem hu pagbaldeng hu udan ku panahun ha tagsaysay sidan hu igpaikagi kandan hu Dios. Amin dan kagahem ha sa wahig mahimu ha langesa daw pagsugù hu mga dumadagmalà hu bisan inu ha panahun ha mabayaan dan.

Impadayag 14:7

Minikagi haena hu madaging, “Tahura nuy gayed sa Dios daw dayea sa pagkagamhanan din ta nakauma en sa panahun ha hukuman din sa alan ha kaet-etawan. Simbaha nuy sa Dios ha iyan migtanghagà hu langit, bugtà, dagat daw hu mga tuburan.”

Impadayag 16:5

Dayun napaliman ku su balinsuguen ha iyan tagbayà hu mga wahig ha tagyanaen, “Sikaw sa balaan ha Dios ha duduun en su hurà pa tanghagaa sa bisan inu daw duduun pa iman, saini ha paghukum nu hu kaet-etawan matareng gayed.