Impadayag 16:17 - Lalang Hu Dios

¹⁷ Su ikapitu ha balinsuguen hu Dios hinudhud din daan su kandin ha yahung duun hu kalamag. Dayun napaliman ku sa madaging ha lageng ha napuun duun ku trunu diyà ta Timplu ha tagyanaen, “Napengahan en.”

Impadayag 16:17 ပူးပေါင်းရင်းမြစ်များ

Juan 19:30

Su mananam din haena minikagi, “Napengahan kud sa buluhaten ku.” Nakalengay-lengay haena dayun nabugtù sa gahinawa din.

Efeso 2:2

Duun taena ha panahun iyan nuy tagsunuren sa kalibutanen ha pamatasan ta tinuman nuy si Satanas ha iyan tagbayà hu alan ha amin din kagahem diyà ta kawanangan daw iyan daan agalen hu mga masinupaken ha etaw.

Efeso 6:12

Ta sa pakigsabà taw kenà etaw dà ba iyan gayed si Satanas daw sa mga ginsakupan din ha amin din kagahem diyà ta kawanangan daw dini ta kalibutan daw iyan daan agalen hu mga etaw ha duun hu kasukileman.

Impadayag 11:15

Su ikapitu ha balinsuguen hu Dios mighiyup hu kandin ha trumpita. Napaliman ku sa mga madaging ha lageng diyà ta langit ha tagyanaen, “Sa kagahem hu pagharì duun hu kaet-etawan kandin dà hu Dios ha Magbabayà day daw kandin daan hu Misiyas ha pinilì din ha magharì hu hinangturan.”

Impadayag 11:19

Dayun napuwaan haena sa Timplu hu Dios diyà ta langit daw naahà diyà ta seled sa kahun ha tinaguan hu mga timaan taena ha daan ha kasabutan hu Dios daw hu mga etaw. Nasalasab sa kilat, migdaheneg sa lugung daw mga dagsang, miglinug hu mabis-ay daw uminudan hu mga giyaw.

Impadayag 14:15

Dayun amin pa lain ha balinsuguen hu Dios ha guminuwà duun hu Timplu diyà ta langit daw inikagiyan din hu madaging haena sa tagpinuu duun ku gabun ha tagyanaen, “Panggalab kad en ta nahinug en sa legtayen ta kalibutan.”

Impadayag 14:17

Guminuwà daan sa lain ha balinsuguen hu Dios duun ku Timplu diyà ta langit ha tagbalabad daan hu magalang ha sangget.

Impadayag 16:1

Napaliman ku sa madaging ha lageng duun ku Timplu diyà ta langit ha tagyanaen duun ku pitu ha mga balinsuguen hu Dios, “Ihudhud nuy diyà ta kalibutan su mga yahung ha tinaguan hu kapauk hu Dios.”

Impadayag 21:6

“Natuman en iman sa alan. Iyan a puunaan daw iyan a daan katapusan hu alan. Bisan sin-u sa agkalauwan igpainum ku duun ku tuburan ha tag-ila hu kinabuhì ha hurà din bayad.