Impadayag 14:7 - Lalang Hu Dios

⁷ Minikagi haena hu madaging, “Tahura nuy gayed sa Dios daw dayea sa pagkagamhanan din ta nakauma en sa panahun ha hukuman din sa alan ha kaet-etawan. Simbaha nuy sa Dios ha iyan migtanghagà hu langit, bugtà, dagat daw hu mga tuburan.”

Impadayag 14:7 ပူးပေါင်းရင်းမြစ်များ

Mateo 25:13

“Aman” kagi hi Jesus “pangandam kaw gayed ta harì nuy agkatun-an ku kan-u a aglikù.

Lucas 17:18

Imbà iyan ka dà sa kenà Judio nakalikù dini hu pagdayè hu Dios?”

Mga Buhat 14:15

“Imbà nuy tagbuhata haini? Mig-iling kuy dà ha etaw. Duminini kay ta daw masangyawan day inyu hu Maayad ha Tultulanen ta daw maendaan nuy sa hurà din pulus ha tinumanan daw tuuwan nuy sa bubuhay ha Dios ha iyan migtanghagà ta langit daw ta kalibutan, ta dagat daw sa alan ha duun taena.

1 Pedro 4:7

Sa katapusan hu alan ubay en. Aman pandayai sa henà-henà nuy daw magpugung kaw hu kaugalingen nuy ta daw makaampù kaw.

Impadayag 11:13

Sagunà miglinug hu mabis-ay tungkay daw nangadaet sa ikasampulù ha bahin hu mga balay duun taena ha banuwa. Pitu ha libu sa namamatay. Sa hurà patay duun taena tungkay gayed nahaldek aman dinayè dan sa pagkagamhanan hu Dios diyà ta langit.

Impadayag 11:18

Sa kenà ikaw ha mga etaw tungkay gayed napauk ta nakauma diyà ta kandan sa pagsilut nu. Nakauma en sa panahun ha hukuman nu sa mga buhat hu mga minatay en daw balesan nu su mga suluguen nu ha mga prupita daw sa alan ha mga etaw nu ha tagtahud ikaw sa matangkaw daw sa minus sa kahimtang dan. Iyan en daan haini panahun ha silutan nu sa mga etaw ha migdaet ta kalibutan.”

Impadayag 15:4

Talahuren ka hu alan ha mga etaw daw dayeen sa pagkagamhanan nu ta iyan ka dà gayed balaan. Agsimbahen ka hu alan ha kaet-etawan ta naahà dan sa mga buhat nu ha matareng.”

Impadayag 16:9

Ba su masunug en sidan pigpasipalahan dan sa Dios tumenged ta iyan amin din kagahem duun taena ha mga pinakahaluhaldek ha alantusen, hurà dan gayed hinulsuli sa madaet ha mga buhat dan daw hurà dan daan dayea sa pagkagamhanan hu Dios.

Impadayag 18:10

Mahaldek sidan ku makalagkes hu pagbigsul taena ha banuwa aman magpadiyù dà sidan daw magyanaen, “Pinakahaluhaldek gayed sa naul-ulahan ku bantugan daw gamhanan ha Babilonia ta tigkan naumahan hu silut.”

Impadayag 18:17

Ba tigkan haena nabigsulan daw hurà en gayed nasamà hu alan ha mga butang duun.” Bisan sa mga kapitan hu barku daw sa taglulan duun, sa mga suluguen taena daw sa tagpanapì diyà ta dagat magpadiyù sidan duun taena.

Impadayag 18:19

Dayun bukbukan dan hu aliyabuk sa mga ulu dan daw paman-ulahù tumenged hu kalugul dan ha magyanaen, “Pinakahaluhaldek gayed sa naul-ulahan ku bantugan ha banuwa ta sa alan ha amin din barku migsapian en pinaagi taena ha banuwa ba tigkan haena nabigsulan.”

Impadayag 19:5

Napaliman ku sa lageng ha napuun duun hu trunu ha tagyanaen, “Sinyu sa mga suluguen hu Dios daw sinyu daan sa tagtahud kandin, sa matangkaw daw sa ubus sa kahimtang din, dayeen nuy gayed sa Dios.”

Impadayag 4:11

“Dios ha Magbabayà day, gamhanan ka gayed ta iyan ka migtanghagà hu alan daw pinaagi ikaw nahimu sa alan ha amin din kinabuhì. Aman angayan ka gayed ha dayeen daw tahuren.”

Impadayag 4:9

Su haepat ha tinanghagà sigi dà tagkanta duun hu Dios ha bubuhay hu hinangturan ha tagpinuu duun hu trunu ta daw madayè, matahud daw mapasalamatan dan. Kada buhaten dan haena

Impadayag 8:10

Su ikatulu ha balinsuguen hiniyup din sa kandin ha trumpita. Sagunà nahulug sa adagi ha bituen ha tagkalegdeg ha nakatanà duun hu ikatulu ha bahin hu mga wahig daw hu mga tuburan.