Impadayag 13:4 - Lalang Hu Dios

⁴ Sinimba dan su dragun tumenged ta inilahan din hu kagahem haena sa pinakahaluhaldek ha mananap daw sinimba dan daan su mananap hu kagi dan, “Hurà en gayed makalabaw taini ha mananap daw hurà en daan makadaeg kandin.”

Impadayag 13:4 ပူးပေါင်းရင်းမြစ်များ

2 Corinto 4:4

Hurà sidan tuu ta tinambunan hi Satanas sa henà-henà dan ta daw harì sidan mailawan hu Maayad ha Tultulanen mahitenged hu pagkagamhanan hi Cristo sa iling hu Dios.

2 Tesalonica 2:4

Agsupaken daw agpalabawan din sa bisan inu ha agsimbahen hu etaw daw agpinuu haena duun hu Timplu hu Dios daw umikagi ha iyan en Dios.

Impadayag 12:3

Nakahiwal daan sa lain ha belenganen diyà ta langit. Saena adagi tungkay ha dragun ha maligà daw pitu sa ulu din ha natukid hu kuruna daw sampulù daan sa mga sungay din.

Impadayag 12:4

Pinaagi hu ikug din ginuyud din sa ikatulu ha bahin hu mga bituen daw ilambeg dini ta kalibutan. Saena duun tuminiyadeg hu atubangan ku bahi ha kamulu en agbaliliti ta daw makaen din su batà ku ihimus-ag.

Impadayag 13:11

Naahà ku sa lain en paman ha mananap ha taghiwal diyà ta bugtà. Amin din daruwa ha sungay ha agkailing hu nati hu karniru daw sa pag-ikagi din agkailing taena ha dragun.

Impadayag 13:15

Su ikaduwa ha mananap inilahan daan hu kagahem hu pagpagahinawa daw pagpaikagi ku larawan taena ha nauna ha mananap ta daw mapatay din sa bisan sin-u ha harì sumimba kandin.

Impadayag 13:2

Saena ha mananap ha naahà ku agkailing hu liyupardu, sa mga paa din agkailing hu paa hu usu daw sa bàbà din agkailing hu bàbà hu liyun. Su dragun mig-ila hu kagahem din duun ku pinakahaluhaldek ha mananap hu pagharì.

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

Impadayag 18:18

Ku maahà dan sa ebel hu kabigsuli taena ha banuwa magyanaen sidan, “Hurà pa gayed banuwa ha makailing hu kabantug taini.”

Impadayag 9:20

Ba sa mga etaw ha hurà patay pinaagi taena ha pasipala hurà dan gayed endai sa pagsimba hu mga busaw daw hu mga diyus-diyus ha binuhat dan hu bulawan, salapì, tumbaga, batu daw mga kayu, saena harì pakaindan, harì pakapaliman daw harì daan pakahipanaw.